Komîteya Zîretî ya Şehba erazîyanê Şehba de firing, îsot, xîyar, pîyaz û kartolî ramitî. Komîte pê rayîrê komunan nê zerzewatan şarê Efrînî rê bierşawa ke îşxalê dewleta tirke de neçare mend ke koç bikero. Endama Komîteya Zîretî Mihemed El Wêsîyî va: ''Ma seba ke serrewextê hamnanî de hewcedarîya zerzewatî ya şarê xo peyda bikerê no proje kerd. Ma darê fekîyan zî nayî ro. Ma wazenê ke berardişê xo bizêdînê. Komunî zî zaf hetkarîya ma kenê. Baxçeyan de şarê Efrînî xebitîyeno, ma yewmîyeya înan danê. Pêro meywe û zerzewatê ma tabîyî yê tede derman çin o.'' Hetê bînî ra Rojawan de qedexeyê vejîyayîşê teberî heta 1ê gulane ame dergkerdene. Şar zî nê prosesî de keyeyê xo de karê xo keno. Tirbesipîyê de xeylêk kesî verê beranê xo de baxçeyan kenê û zerzewat ramenê. Dewa Şêbanîya Dehanî ra Emar El Dendehî va: ''Mi nê wextê vîrusî de baxçeyê xo kerd. Ez hînî eşkena pê nê zerzewatan îdare bikera.'' Dewa Farqînî ra Şehnaze Ebdo zî vat: ''Ma qedexeyê vejîyayîşê teberî sey firsend dî û baxçeyê xo ramit.'' Dewija Nesranî Nesîma Bedîr zî vat: ''Her kes verê berê xo de bexçeyê xo rameno. '' Çarçewa peymana mabêna Şaredarîya Dêrikî û keyeyanê wayûbirayan ê Almanya de zî Şaredarîya Dêrikî dest pê ramitişê sebzeyan kerd. Şaredarîye pê rayîrê komunan şarî rê bezreyî vila kerdî. Bezreyî do taxanê Sor, Şehît Xebat û Rojava de 3 parkan de do bêrê ramitene. Çarçewa projeyî de berhemî do keyeyanê hewcedaran rê bêrê vilakerdene. ŞEHBA