Federasyona Komeleyên Kurdên li Almanya (YEK-KOM) , bi armanca piştgirîdayîna gelê Rojava û ji bo şermezarkirina êrîşên komên çete yên li ser Kurdan, li gelek bajaran xwepêşandanan lidar dixe. YEK-KOM'ê diyar kir ku, destkeftî û berxwedana Rojava bi ambargo û êrîşan nayê astengkirin û ji bo xwepêşandanan bangawazî kir û wiha got: “Gelê Rojava ji bo wekî hemû gelan wekhev û azad bijî têdikoşe û pergala xwe ava dike. Xwedîderketina li Şoreşa Rojava, xwedîderketina li mirovahî, wekhevî, demokrasiyê, xwişk û biratî, yekitî û nasnameya Kurdan e. Xwepêşandanên ku em ê di dawiya vê heftiyê lidar bixin, em hemû Kurd û dostan ji bo beşdariyê vedixwînin.”

Bernameya meş û xwepêşandanan wiha ye:
BERLÎN: 27’ê îlonê roja înê li pêş nûnertiya Komîseriya Bilind a Penaberan a Neteweyên Yekbûyî dê meş bê li darxistin. Meşa ku li navnîşana WallstraBe 9-13, 10179 Berlin, U-Bhf: Spittelmarkt bê li darxistin, dê saet di 14.00 de destpê bike.
 HAMBÛRG: 28’ê îlonê roja şemiyê meş dê binavê “Rojava ne bi tenê ye” bê li darxistin. Meşa ku Kurdên li Kîel dijîn jî tevli bibin dê saet di 14.30’ê li Reesendammbrucke destpê bike.
BREMEN: 28’ê îlonê roja şemiyê dê li pêş parlementoya herêmê meş bê li darxistin. Meş wê saet di 14.00’an de destpê bike.
HANNOVER: 28’ê îlonê roja şemiyê li pêş Hauptbahnholf  dê stasyona navendî ya trenê meş bê li darxistin. Kurdên ku li Salzgitter, Peine û Hildesheimê dijîn dê tevli meşa ku saet di 14.00 de bê li darxistin bibin. 

ANF/BERLÎN