Firat 2 roj in li nexweşxaneyê li beşa lezgîn dihate dermankirin. Hate hînbûn ku cenazeyê Firat dê piştî nimêja nîvro li Goristana taxa Kolhîsar a navçeya Xinisê bê definkirin. Cenazeyê Firat îro saet di 10:00 de li Goristana Taxa Kolhîar a Xinisê bê veşartin. Hate ragihandin ku dê sersaxiyê wî jî li Mala Şînê ya Mizgefta Hecî Abdulbakî ya li navçeya Xinisê bên qebûlkirin.

Peyamên sersaxiyê
Hevserokên HDP’ê Selahattîn Demîrtaş û Fîgen Yuksekdag bi wesîleya wefata Şêx Ahmet Firat peyamek sersaxiyê weşandin.
Di peyamê de wiha hate gotin: “Em ji ber wefata kurê Şêx Saîd ku yek ji pêşengên berxwedana gelê Kurd bû, Birêz Şêx Ahmet Firat gelek xemgîn bûne. Em ji bo wî ji Xweda rehmetê û ji hemû malbat û gelê Kurd re sersaxiyê dixwazin.”
Partiya Herêman a Demokratîk (DBP) ji bo kurê Şêx Seîd Şêx Ehmed Firat ê jiyana xwe ji dest da, peyamek sersaxiyê weşand.  Di daxuyaniya nivîskî de hat gotin, "Em ji malbat û xizmên Şêx Ehmed Firat û tevahiya gelê Kurdistanê re sersaxiyê dixwazin."