Merasîmî de seyan gerîlayan het Fermandara Biryargeha Navendî ya YJA Starî Delal Amed, fermandara YJA Starî Medya Egîd û Nalîn Dilpak hedre bîy. Fermandara Biryargeha Navendî ya YJA Starî Delal Amed qalîkerdişê xo ya merasîmî de vat: “Aşma hezîranî aşma şehîdan a. Bi ruhê nêy şehîdanê fedaîyan azadîya şarê kurdî garantî bîyo. Qewetê ke nêşkenî Kobanê ver xo bigî hêrişê şarê sîvîlî kenîy. Ma do hesabê nê qirkerdişî bipersîy.”
‘Wayîrê cuyeyê bi mana bî ’
Amed dîyar kerd ke aşma hezîranî ‘aşma fedaîyan a’ û no dest nîşan kerd: “Lazim o heme qewet bizano ke bi hezaran Zîlanî estîy. 30’ê hezîranî roja serrgera şehadeta şehîda girde Zîlan a. Heman wext de 30’ê hezîranî serrgêra şehadeta embazêy ma yê şehît Sema û Gulan ke no aşmî de bîy vindertişekê girde. Hîrê gerîlayê cenîyê Kurdistanî ke wayîrê vindertişê girde yî, bi pratîka xo reyde bîy pêşangê cenîya azad û cuyayîşê bi mana. Sey qewetê YJA Star û HPGî çîyo ke ma şehîd Zîlana ke bi çalakîya xo bîya nêmerd ra bander bîy, bi vindertişê fedaî cuyeya azad de israrkerdiş o. Ser no bingeyê şexsê Zîlan de ma heme şehîdanê şorişî û şehîdê Kobanê bi razdarî xo vîr anîy.”
Serkewtişê Kobanê
Amedî vat ke çeteyêy DAIŞî qirkerdişeke girde Kobanê de viraştîy û vat ke: “Çeteyêy DAIŞî û hemkarê înan nêşînay xo serkewtişê Kobanê ver bigîy, coka hedefgirewtişê şarê sîvîlî reyde qirkerdişeke barbarî kerdîy. Şarê kurd dijî nê çeteyê ke bîy belayê serê cîhanî do xover bidî. Şarê kurd ke dijî çeteyanê DAIŞî xover da bîy wayîrê statu. Nê heme xoverdayîşîy xeta Zîlanî de bi xoverdayîşa Şehîd Arîn, Revan, Hebûn, Gelhat û Şehîd Bagokî qehremanîya girde nîşan dayîy. Dijî çeteyanê DAIŞî, YPG û YPJ bi çek û bombeyanê xo û bi bawerî û îrada xo xover dayîy.”
‘AKP pêsero vinî keno’
Amed wina ard ziwan: “AKP ke paşta xo Girê Sipî (Til Ebyad) de daynê çeteyanê DAIŞî weçînayîşê 7’ê hezîranî de vinîkerdişeke girde cuya encax şînaynê qirkerdişeke girdî reyde kurdê Rojawanî bêveng bikera.” Û ciresna ke semeda bin banê HDPî de heme dormarê demokratîk û heme çînan kom bikero HDP seyî partî dekewt mîyanê weçînayîşî. Amed vat ke labelê tayî qewetêy gemarin estîy ke îradeya şarê kurdî qebûl nêkenîy û hemverê nê serkewtişan hêrs bîy û bi kayanê gemarinan kewtîy dewre û ger ke qirkerdişeke virazyayo no qirkerdiş bê heyeta tirkîya nêbîyo dewleta tirk heta nika qet îradeya şarê kurdî qebûl nêkerdo û her tim waşto ke kurdêy xayîn bivirazo.
JIYAN AMARGî / RUKEN CEMAL / ANF/BEHDÎNAN
‘Zîlan xeta ma ya’
6’ê gulana 1996 de paytexta Şamê ya Sûrîye de verba Rayverê Şarê Kurd Abdullah Ocalan de bi destê dewleta tirk hewldayişê komployeke mîyanêneteweye amebî kerdişî. Na komplo hem mîyanê şarê kurd hem zî gerîlayan de ver nêrazîbîyîşeke gird akerd. Mesajê herî tund dijî komploya verba Ocalan Dêrsim de 30’ê hezîrana 1996 de Zeynep Kinaci (Zîlan) ame.
Zîlan bi çalakîya xo de mesajeke gird da dewleta tirk. Çalakîya Zîlan ke hetê gerîla zî werçerxeke, roja ewro de zî seba gerîla finak a. Gerîlayê HDG û YJA Starê yê Heremê Pawiyayişê yê Medyayê de 30’ê hezîranê roja çalakîya Zîlan nirxnay. Gerîlayan dîyar kerdî ke Zîlan seba înan xetek a û nê xal destnîşan kerdî.
DILGEŞ GEVER: Çalakîya Şehîd Zîlan seba ma xetek a, xeta dijvejîyayişê komploya verba Rayvertîyê ya. Xeta Şehîd Zîlan xeteke ma esas bigerî ya. Şehîd Zîlan şî la peynî a bi hezaran Zîlan verada. Ma bibê şopdarê na xetê.
MAZLUM MÛŞ: Rayvertî zî vano ‘Zîlan îlahe ya demê ya. Ez şehîd Zîlan zey fermandar vînena.’ No seba ma zî derbasdar a. Çalakîya Şehîd Zîlan verê gerîla akerd. Çalakîya a seba gerîla bî taktîkeke newe. Ma nika rayîrê Şehîd Zîlan de meşîyenî û ma hetê peynîyê zî no rayîr de bimeşî.
RAMAN EVRÎM: Destpêkê de şaxsê şehîd Zîlan de ma heme şehîdê Şorişa Kurdistanê bi mînetdarî bivîr anenî. Çalakîya embaza Zîlan çalîyek verpersî ya dijî komploya serra 1996’ê de şaxsê Rayvertî de dijî şarê kurd ame kerdiş. Ruhê çalakîya fedaî bi embaza Zîlan ra vejîya qonaxeke berztêr.
RUBAR SPERTÎ: Têkoşîna azadîyê ya Kurdistanê de manayeke gird a 30’ê hezîranê esta. Eke ma dîroka Kurdistanê bîyarê ver çimê xo, ma bivînê ke çalakî û sekna şehîd Zîlan wayîrê manayeke gird a. Embaza Zîlan seknek dijî desthîlatdarî, zilm û hêrişkarîyê ya. Embaza Zîlan verîya her çikî sekin û çalakîyeke dîrokî ye ke Rayver Apo û nirxê şarê kurd pawiyena.
SORXWÎN CUDÎ: 30’ê hezîranê yena manaya ganîbîyîş û newe ra cuyayişê. Embaza Zîlan vat bike: “Seba awankerdişê cuyayişeke gird ez na çalakîyê virazena.” A seba ma bî rayvertek. Ma zî ewro zey şopdarê şehîd Zîlan têkoşîn danî. Heme destketîyê ewro yê Rojawan bi saya şehîd Zîlan û heme şehîdê ma pê ameyî. Eger ewro ruhê fedaî nêamey nişandayiş, ewro no nêbîynî.
VÎYAN KOBANÊ: Çimeyanê çalakîya embaza Zîlan dîroka merdimatî ya. Senî ke cenî wayîrê dîroka xo wayîr vejîyenî û cenî bingeha cuyayişê ronaya, embaza Zîlan zî kesayeteke bi no rengî bi xurtî nîşan daya. Embaza Zîlan cuyayişê merdimî û wayîrvejîyayişê Rayverê raştîyan a, yê ke cenî mîyanê tarîtîyê vejna roşnê Rayvertî bî.