Her çend ke dîroka ke referandum bêro kerdiş sero zaf wext vîyart zî, referandum nêame kerdiş û statuya Kerkûkî dîyar nêbî. Babete sero Walîyê kan ê Kerkûkî Abdurrahman Mustafa ke mabenê serranê 2003- 2011’î de 8 serran Kerkûkî rayîra berd qalî kerd.
Ame kaykerdiş
Mustafa qalîkerdişê xo de ard ziwan ke wextê Baasî de Kerkûk xeylê zor û zehmetî antî û wina vat: “Îdareyê Baasî 4 qezayê Kerkûkî semedê ke kurd î, cîya kerd û herinda înan de tirkmen û erebî ca kerdî. Bi no hawa bi demografîya sero Kerkûkî kay kerd. Vetişê Iraqî ya destê rejîma Baasî ra şarê Kerkûkî tay rehet kerd. Bade zî semedê ke persgirêkê Kerkûkî bêro çareserkerdiş, pêvînayîşî amey kerdiş. Goreyê nêy pêvînayîşan ganî humaritişê nufisî biameynê kerdiş û tewr peynî zî do referandum biameynê kerdiş. Semedê ci komîteyeke zî amey awankerdiş. Labelê îdareya Bexdaye her tim astengî vetî. “
Lazim o şar biko
Mustafa vat ke lazim o derheqê ameyoxê Kerkukî de şar bire bido û qalîkerdişê xo wina peynî kerd: “Şarê Kerkûkî ger ke biwazo şîno xoser bibo, yan zî girêdayê îdareya Bexdaye beno, lazim o bira ci şar bi xo bido û hetê bîn zî semedê na bire rêz nîşan bido. Çaresernêkerdişê no persgirêkî tayna persgirêkan xo reyde ano. Sey finak lazim o şarê Kerkûkî petrolê Kerkûkî ra feyde bivîno. Ez bawer kena ke do demo ke rewêr persgirêka statuya Kerkûkî ra çare bêro vînayîş.”
HALÎT ERMÎŞ/ ANF/KERKÛK