Wexto ki Erdoganî mutabakatê Saraya Dolmabahçe red kerdî, ma ê vatenî zey îşaretê felaketê girdî hesibnay. Labelê Tirkiye de, xeylê çoşman, vatenê Erdoganî zey, taktîkê arefeyê weçînayinî de hesibinay. Rastî de, eleqeyê vatenanê Erdoganî bi taktîkê weçînayina çinêbi. Erdoganî o çax fikrê xo yê rastîn ardê ziwan. Çiyê ki, derheqê kurdan de, hetanî o çax ardîbî ziwan bi xo taktîkîbî. Fikrê Erdoganî de, qandê kurdan heq û edelet çiniyo. Ey qandê kurdan se vatê, qandê xapeynayin û qandê bibo serok ardê ziwan.
Senî ke fam kerd, HDP a verniyê serokîn ey bigiro, har bi û dest bi êrişan kerd. Fikrê xo yê esasiyê, hetanî o çax liminay day tever. Dest bi hedreyinê lejî kerd. Çarçiweyê hedreyinê lejî de, mutabakatê Dolmabahçeyî red kerd. Coka vejiya Maseyê Muzakereyan dînda/qelibna. Coka vejiya vati ke, ‘Tirkîya de meseleya kurd çiniya’. Coka kesê qala meseleya kurd kenê, zey ciyakar hesibnay. Heme hetan ra hedreyinê lejî kerd. Bi vinîkerdinê weçînayinê 7’ê hezîrana jî startê konseptê lejî da.
Konseptê lej ê Erdoganî, 30’ê hezîranî de, bi bombekerdinê Mintiqanê Pawitinê Medya dest kerd ci. Zeki tiyareyê 30’ê hezîran de, bombey varnay, ê Tirkîya nêbê hereket kerd û kenê. Erdogan û merdimê ci, Serêkanî de kiştenê 2 tîmanê taybet, zey sebebê lejî mûsnenê. Labelê zûrî kenê. Sebebê lejî, Serêkanî de kiştenê 2 tîmanê taybet niyo. Sebebê esasî kerdenê Erdogan û hukumetê AKPyê. Ê kerdenan ra jew tecrîdê vera Ocalanî, jew terk-kerdinê maseyê muzakereyan û 30’ê hezîranî de, bombekerdinê Mintiqanê Pawitinê Medya yo. Bi ê bombekerdinê 30’ê hezîranî de, adirbirnayinê jewhetin ê Hereketê Azadiyê Kurd bê mahne kerd û werte ra hewada.
Helbet teniya enê niyê. Erdogan û AKP, eynî wext de, badê weçînayinî, vera şoreşê Rojawan, artêş vist dewre. Xeta sînor ê Rojawan bi tanq û topana kerd pir. Destegê qandê çeteyanê DAIŞ kerd vêşî. Bi destê çeteyana 25’ê hezîrani de Kobanê û 20’ê tîrmeh de jî Pirsûs de, komkiştenê vera sivîlan viraştî. 12’ê tîrmehî ra na kişt, Gladyoya xo, vera sivîlanê Kurdistano Vakur vist dewre. 24’ê tîrmeh ra tepiya, êrişê vera Mintiqanê Pawitinê Medya kerdî vêşî. Gladyoya Erdoganî teniya 12’ê tîrmeh ra na kişt, en kemî 23’ê sivîlî kiştî. Zergel’ê de komkişten viraşt. Gever, Şemzînan, Gimgim ra hetanî Cizîr, Silopî, Hezex, Farqîn û Licê êriş kerd. Gladyoya Erdoganî zey JÎTEM, keye, dikan û dewan veşnenê.
Êşkenceyê cenazeyanê gerîla kenê. Jû aşma peyin miyan de bi seyan kurdistanijî eştî zîndanan û bi hezaran kerdî binçim. Rewşê winayinî de, kurdê se bikirê? Helbet iyê ûmûdê xo Enqere ra bibirnê. Helbet iyê rayverînê xo îlan bikirê û xo vera êrişanê Gladyoya Erdogan bipawê. Hereketê Azadiyê Kurd bi aşmano Erdogan aya kerdê. Vatê Erdogan û AKP Tirkiye vera felaketa benê. Winî jî bi. Hinî Erdogano bi xo vano; “Hetanî qiyamet lej”. Eki wextê xo de goş bidiyayê, çiyê wina nêbiyê. Hewna herey nêbiyo. Hewna wext esto. Lazimo hinî şarê Tirkiye qandê selametînê welatiyê xo, bi xo verniyê Erdogan bigîro.
Mehmet Drewş