Dersim de hewldayenê lejkerî yê dewleta Tirk ramenê. Goreyê zonayişê ke herem ra amey girewten ser raya ke şina gelîye Dînar û Çet ê Geyîksûyû ke girêdayê merkezê Dersim a de, lejkerî xendekan kinitenê.
Çimeyê herêmî dîyar kerdî ke dekewtenê Şakak, Mîstîran, rayîrê dewa Sepertek û Çet ê ke ser raya Geyîksuyu yê de xendekî kinitîyay. Verîya çend rojan zî dekewtenê dewa Roşnek ya ser raya Geliyê Pulumur a de lejkeran xendekî kinitî.
10ê Adare de zî merkezê Dersim ra, xêlê helîkopterê tîpê Skorsky ke werzîyay, ver bi Deştê Pilemurîye şî. Xozad de zî Qereqolê Amûtka ra ver bi herêma Amûtka û Alîbogazî hewanî erzîyay, xêlê lejkerî kirêşîyay dewanê Taner a cêrîn û Taner a corîn.
DERSIM