Hepsîyo sîyasî Hurşît Çetîno ke Hepisxaneyê Tîpa Tyî yê Hûmara 2yî yê Şakranî de maneno, mektubêk erşawit Komeleya Heqê Merdiman (ÎHD) û mektuba xo de qala neheqîyê ke hepisxaneyî benî kerd.
Çetînî mektube de bale anto îfadegirewtişo ke ganî hetê dozgerê hepisxaneyî ra bêro kerdiş, hetê leşkeran ra yeno girewtiş.
Çetînî mektube de vato ‘Hepisxaneyê Şakranî de polîtîkayê cunta dewre de yo’ û wina dewam kerdo: “Hepisxane de îfadeyo ke ganî hetê dozgeran ra bêro girewtiş, hetê leşkeranê hepisxaneyî ra yeno girewtiş. Hepisxaneyo ke ma tede yî, tîya de wezîfeyê dozgeran leşkerî girewtî. Na nimûne daxî rewşa ke ma cuyenî çî ya, nîşan dana.”
Problemê weşîye zêde bîyî
Dewamê mektube de ameyo vatiş ke ‘hepisxane de her ke şono problemê weşî zêde beno’ û mektube wina domîyaya: “Her çiqas ke ma muracatê selahîyetdaran kerdbî zî heta nika derheqê problemê ma de çîyêk nêameyo kerdiş. Problemê weşîye nika hîna giranêr bîyo. Koguşê ke 14 kesan de 18 kesî manenî. Kîtabê ke teber ra erşawîyenî nêdîyenî ma, mektube û kargoyî zî yenî astengkerdiş.”
Telefonî yenî goşdarîkerdiş
Îdarekarêk Hepisxaneyîyo ke nêwaşt nameyê xo bido, wina va: “Telefonê ma yenî goşdarîkerdiş. Bi persanê winasîyan ma mêgerê, ma nêeşkenî cewab bidî şima. Ma mecbûr nîyî ke cewab bidî şima.”
DÎHABER / ÎZMÎR