Hunergeha Şehîd Welat a li bajarê Qamişloyê, ji bo piştgiriya Leyla Guven û çalakgerên grevên birçîbûnê yên ji bo bidawîkirina tecrîdkirina Rêeberê Gelê Kurd Abdullah Ocalan, stranek çêkirin û klîba wê jî weşandin. Delîlê Mîrsaz gotinê wê nivîsîn û awaza stranê danî. Eyşe Serdar bi dengê xwe yê nermexweş got. Derhêneriya klîbê jî Eliyê Ferman kiriye. Ji bo amadekirina vê berhema bi aranjeya Kawayê Xalid û Serxwebûnê Zeyno, Navedan Çanda Girbawî, Navenda Çanda Mihemed Şêxo, Komuna Şano û Oudeh Compclny bûne alîkar.
Stran bi beyta “Leyla Leyla, can e leyla; Dengê berxwedanê Leyla” dest pê dike. Gotinên li stranê li jêr in:
Leyla Leyla, can e leyla
Dengê berxwedanê leyla
Rê û armancên te hêjan e
Çar hêlên dinyê pê şan e
Serê me bilind hildane
Leyla Leyla canê Leyla
Tîna dilê te pîroz e
Ji dozê ra hest û soz e
Li hember dijminê însan
Bablîs û ba û bahoz e
Girnijîna te delalê
Hejand erşê zilimkaran
Rist û peyvên te li her malê
Vejandî kîna salan
Mirovahiya bendkirî wê
Azad bibe ji nav çar dîwaran
Mirovahiya bendkirî wê
Azad be Leyla Lelya
Bûka jiyana nû Leyla
Kesên dixwazin li stranê ji dengê Eyşe Serdar guhdarî bikin û li klîbê temaşe bikin, dikarin ji lînka li jêr xwe bigihîninê:
https://www.youtube.com/watch?v=7O8_snSgb-o&
NAVENDA NÛÇEYAN