Di beşa pêşî ya panelê de Dilbêzare Bêkes, mafê axaftinê girt û axaftinek li ser zimanê Kurdî û pêşketina zimanê Kurdî ya di nava dîrokê de kir. Bêkes, da zanîn ku gelê Kurd di erdnîgariya Mezopotamyayê de gelê herî qadîm e û zimanê Kurdî jî ji yek zimanê herî dewlemend ê vê erdnîgariyê ye. Di beşa duyem de berdevkê TZP'a Kurdî Mehmet Şahîn jî destnîşan kir ku gelê Kurd bi sed salane li hemberî polîtîkayên pişaftinê rû bi rû mane û di encama van polîtîkayên herî giran de zimanê Kurdî bi bandor bûye. Şahîn, diyar kir ku nifşên ji perwerdehiya zimanê zikmakî mehrûm mane vê rastiya bi awayekî zelal radixe ber çavan. Şahîn, di berdewamiya axaftina xwe de wiha got: "Lê li hemberî van polîtîqayên pişaftinê zimanê Kurdî li Kurdistanê bi awayekî zêde tê li kar anîn û hêj jî yek ji zimanê herî dewlemend e."
ANTALYA