Katib, Werzêr Enwer daxuyanî xwend û got, “Li gel hemû daxwazên me û daxwaza zêdekirina mûçeyê me, ti bersiveke erênî ji bo me nehatiye dayîn. Ji bo wê jî îro weke karmend û katibên 21 navendên navçe, bajarok û navenda Silêmaniyê li vir em kom bûne, ji bo dengê nerazîbûna xwe bigihînin serokê hikûmeta Herêma Kurdistanê û aliyên peywendîdar. Pêwîst e sîstema paşxistina mûçeyê karmendan bê çareserkirin.”
Di dawiyê daxuyaniyê de hat gotin, ger pirsgirêk neyên çareserkirin, weke karmend û katip wê çalakiyên xwe bidomînin û neçine ser kar.
 
Çalakiya yekem li Dihokê
Ev cara yekê ye ku mamoste li Dihokê doh li hemberî sîstema paşxistina mûçe û xemsariya hikûmeta Herêma Kurdistanê li hemberî daxwazên mamosta û karmendan, daketin qadan.

Mamostayên ku daxuyanî dan, diyar kirin ku Yekîtiya Mamostayan nûnerê hizbê ye, nûnertiya mamoste û daxwazên wan nake. Her wiha mamostan diyar kirin ku daxwazên wan li gel daxwazên mamostayên herêmên din yek in û ji bo bidestxistina mafên xwe, ew ê çalakiya xwe bidomînin. n

SILÊMANÎ / DIHOK