Komîteya amadekar ya çalakiyên pîrozbahiya newrozê li bajarê Dêrikê meydan û kolanên bajêr bi alên Kurdî û pankartên pîrozbahiyê xemilandin, her wiha sazî û komîteyên têkildar jî amdekariyên xwe didomînin.
Tevgera Çand û Hunerê
Komên hunerî yên girêdayî navenda Dicle a Çand û Huner amadekariyên pîzorbahiyê dewam dikin. Di vê çarçoveyê de koma Cûdî a stranan stranên nû yên derbarê şoreşa Rojava û berxwedana YPG’ê de amade kirine û proveyên xwe didmomînin. Her wiha koma şehîd Zîlan, koma şehîd Lazgîn û koma Rojava yên dîlanê jî lez dan amadekariyên xwe. koma Ava Mezin jî şano amdade kirine.
Saziya Malbatên şehîdan jî dê roja 20’adarê vexwenameyên beşdariya şahiyê li hemû malbatên şehîdan belav bike, malbatên şehîdan dê wêneyên zarokên xwe yên şehîd hilgirin û di rêza pêşî de rûnin.
Dik tên amadekirin
Li bajarê Amûdê jî komîteya amadekar ya çalakiyên Newrozê dest bi amadekirina cihê şahiyê kirin. Komîteya amadekirina cihê şahiya newrozê dest amadekirina cih û dikeya şahiyê kirin komîteya Dekor û xemilandinê jî ku ji jinên bajêr pêk tê ji bo kolanên bajêr û cihê şahiyê bixemilînin dest bi dirûtina alên Kurdî kirin.
ANHA/DÊRIK