Rêveberiya Navenda Medya Hatîce Sezgin, diyar kir ku komeleya wan ji rêveberiya 5 esîl  û 5 alîkaran pêk tê û wiha got: "Niha em li atolyeyan kursên tembûr, gîtar,  erbane û kemanê didin. Di her atolyeyekê de 15 şagirt hene. Bi piraniya şagirkên me xwendekarên dibistanê û zanîngehê ne. Em ji niha de amadekaryên xebatên 8'ê Adarê dikin. Em dê ji bo 8'ê Adarê Roja Jinên Cîhanê şanoyekê amade bikin. Xebatêm me îsal dest pê kirine û em dê di îsal bi awayekî hîn xurttir derkevin ser dikê.


Xebat bi lezgîn dest pê kir
Rêveberê komeleyê û hunermend Bekîr Ozbey jî anî ziman ku 25 salin bi  muzîkê re eleqeder dibe û wiha got: "Em dixwazin di bin baneyê NÇM'ê de  kêmasiyên çandê yên bajar temam bikin û xizmetek nû bidin destpêkirin.  Bajarê Dîlokê bajarê koçberiyê ye. Piştî welatiyên ji gund û navçeyên xwe  koç kirin, hatin li Dîlokê bi cih û war bûn. Ji ber koçberiyê çand û keveneşopî jî têk diçe. Dîsa bişaftin jî pêş dikeve. Em dixwazin bi xizmet û  karê xwe rê li pêş bişaftinê bigirin û ji bo parastina çandê xebatek nû bidin meşandin."  Ozbey, anî ziman ku ew ji niha de amadekariya 8'ê Adarê û Newrozê dikin û koma ji 7 kesan pêk tê amade kirine ku di 8'ê Adarê u Newrozê de derkeve ser dikê. Ozbay, anî ziman ku ew dê koma lîstik û şano jî ava bikin û bi  awayekî xurt di meha Adarê de derkevin ser dikê.

DÎHA/DÎLOK