Hevdem, xelkê bajarê Hema û bizavkarên mafên mirovan dibêjin hêzên parastina Sûrî ji bo roja duwemîn berdewam in li êrîşa xwe bo ser wî bajêrî.
Bizavkar dibêjin, tankên Sûrî roja Duşembî hêrişî Hemayê kirin, rojek piştî bi kêmî ve 120 kes li wî bajêrî hatin kuştin.

Wezîrê Karê Derve yê Brîtanî William Hague got, pêdivîye cezayên tundtir li dijî hikûmeta Beşar El Esed bihête ragihandin, lê belê wî got ku civaka navneteweyî hêza leşkerî li dijî wê rejîmê bikar nayne. Herwiha hikûmeta Amerîkî û Yekîtîya Ewropî tundûtûjîya li dijî gelê Sûrî şermezar dikin.

LONDON


‘Mudaxeleya leşkerî li Sûryeyê nayê kirin’


Serfermandarê Hêzên Leşkerî Dewletên Yekbûyî yên Amerîkayê (DYA) Oramiral Michael Mullen, xwest ku Sûrye tavilê dawî li tundiya li welêt bîne û diyar kir ku wê berteka DYA ya li hemberî Sûriyeyê, ne ji şidandina zextên diplomatîk ên li ser rejîma Esad wêdetir be. Serfermandarê DYA’yê Oramiral Michael Mullen piştî serdana Iraqê daxuyaniyekê da û got; “Divê tundî bi awayeke herî lezgîn were rawestandin.”

Mullen got; “Tu diyardeyên ku diyar dikin ku Emerîkayî xwe têkelê van bûyeran dike, an jî wê têkel bibe, tune ne. Ji bo li welêt rê li ber reformên vebe, em dixwazin zextên siyasî û dîplomasî bi awayek hişk li ser Sûriyeyê bêne şidandin.”


WASHINGTON