Li herêmên Girê Sipî (Til Ebiyad) şeva berê hêzên YPG’ê li gundê Mehmudiyê ku dikeve rojavayê Til Ebiyadê li dijî komên çete çalakiyek lidarxist. Di çalakiya ku saet di 22.00’an de dest pê kir de pevçûnan heta serê sibehê dom kir. Li gorî agahiyên ji çavkaniyên herêmê hatine girtin di encama pevçûnan de 35 endamên komên çete hatin kuştin û gelek jî birîndar bûn. Her wiha 5 motorsiklet û wesayîtek hatin desteserkirin. Hat gotin ku gelek wesayîtên çeteyan jî derbe xwarine.

Li gundên Susikê û Bîrkino yên dikevin rojavayê Til Ebiyadê jî komên çete di nava 48 saetên dawî de cih bi cih êrîş pêk anîn. Hat ragihandina ku di pevçûnên li gundê Susikê de jî wesayîtek çeteyan hatiye rûxandin û kesên tê de jî hatine kuştin. Li gundê Bîrkino jî êrîşkarek hat kuştin. Der barê encamên de agahiyên zelaltir nehatine bi dest xistin.
Li herêma Çilaxa ya Girkê Legê jî li gundê Sefa di navbera hêzên YPG’ê û komên çete de pevçûn derketin. Pevçûnên ku di saetên serê sibehê de destpêkirin cih bi cih dom dikin. Der barê encamên pevçûnan de agahiyên zelal nehatin bidestxistin.

QAMIŞLO