Di 3’ê çile de bi semînerên semtan dest bi van rêze çalakiyan hatibû kirin wê van çalakiyan di rojên pêş me de jî bidomînin. Bi munesebeta salvegera şahadeta her sê jinên şoreşger Sakîne Cansiz (Sara), Leyla Şaylemez û Fîdan Dogan ji aliyê Meclîsa îştar a wargeha Ş. Rustem Cudî (Mexmûr) li Navenda hunerê dest a “Şehîd Delîla” pêşengeha wêne hat vekirin. Di vekirina pêşangehê de Endama Meclîsa Îştar Xatûn Babat axavî û wiha got: “Rixmê salek li ser vê bûyerê de derbasbûye lê hîna kiryarên vê bûyerê nehatine dadgeh kirin.Piştî axaftinê, girse derbasî cihê pêşangehê bûn. Di pêşangehê de gelek wêneyên hersê jinên siyasetmedar û her wiha wêneyên endamên PKK’ê ku di têkoşîna azadiyê de jiyana xwe ji dest dabûn hatbûndaliqandin, ji aliyê gel ve hatin temaşekirin.



Li Kurdistan û Tirkiyê çalakî
Pêkhateyên DOKH’ê yên Amedê bi armanca protesto kirina komkujiya Parîsê di çerçeveya çalekiyên ku li darxistin de nîşandana sînevisyonê pêk anîn. Di çalekiya bîranînê a ku li Mala Taxa Tokî a Uç Kuyular a Navçeya Yenîşehirê pêk anîn de hejmarekî zêde a jinan tevlî bûn. Salona ku bîranîn lê hate pêk anîn wêneyên Sakîne Cansiz, Fidan Dogan û Leyla Şaylemez li gel alên PKK’ê hatin daliqandin. Piştî deqeyekê rêzgirtinê şûnde di axaftinên hatin kirin de komkujî hatin şermezar kirin û diyar kirin ku wê boyerê bişopînin. Piştî axaftinan jî sînevîsyon hate temaşe kirin.
Li navçeya Rihayê Serê Kaniyê li pêş avahiya BDP’ê a navçê daxuyaniya çapemeniyê hate pêk anîn. Di daxuyaniya ku Meclisa Jinên BDP’ê yên Serê Kaniyê dan de hejmarekî zêde a jinan, rêveberên BDP’ê yên navçeyê, Serokê navçeya Serê Kaniyê Îsmaîl Arslan, endamên meclisa şaredarî û giştî navçê beşdar bûn. Endama Meclisa BDP’ê a jinan Adile Deniz Sûrer got, qetil kirina 3 jinên şoreşger yên Kurd êrişekî li hemberî misogerbûna azadiya jinê ye.”
Li navçeya Wanê Payîzava daxuyaniyekî çapemeniyê hat pêk anîn. Daxuyaniya ku rêveberên BDP’ê û girseyekî zêde beşdar bibûn, namzeta BDP’ê a Hevserokatiya Şaredariya Payîzava Yildiz Çetîn axivî û got: “Bi salane li ser xaka Kurdistanê xwîn mêj kiryarên veşartî dikin ev jî yek ji wan e.” Bi heman armancê li Ixdirê, li Stenbol, li Mêrsîn û Izmîrê jinan komkujiya Parîsê bi çalakiyan protestokir.

NAVENDA NÛÇEYAN