Konferansa Tevgera Hemwelatiyên Azad û Yeksan bi beşdarbûna 67 endam û 30 mêvan, dayikên aştiyê 2 endamên PYD’ê gelek kesayetên navdar û mamostayên navçeya Ranya pêk hat. Konferans bi deqeyek rêzgirtin ji bo giyanê hemû kesên di têkoşina azadî u aştiyê de jiyana xwe ji dest dan destpêkir. Axiftina vekirina konferansê ji aliye endamê Tevgera Hemwelatiyên Azad û Yeksan Serdar Sitar ve hate kirin. Serdar di axaftina xwe wiha got; “Heya niha desthilatên Herêma Federal ya Kurdistanê tu astengiyek ji bo me çênekiriye. Ew êrîşên li hemberî xaka Kurdistanê tên kirin şermezar dikîm. Hêza Operasyona Dicle kû serokwezîrê Iraqê Malikî wê hêzê wek metirsiyekê û tehdidek ji bo gele Kurd dide pêş. Em spasyia xwe jie rêkxistina CHAK'ê dikin. Bi hewildanên xwe Enfal wek tevkujiyê bi Parlemena Siwêdê daye nasandin."


Komisyon hatin pejirandin
Sitar di dawiya axaftina xwe de girîngiya yekbûna Kurdên her çar parçeyan anî ziaman û wiha berdewam kir;” Gelê Ranya li cenazeyê Şehîd Harûn Parisa xwedî derket. Parisa bi eslê xwe ji bajarê Sinê yê Îranêye, li navçeya Qelqeliya Wanê jiyana xwe ji dest daye. Li Herêma Federal ya Kurdistanê hatiye spartina axê. Ev jî tê wê wateyê kû êdî tu ciyewazi di navbera Kurdên her çar parçeyan de nemaye û êdî gelê Kurd bûye yek.“
Piştre ji bo diwanê 3 kes hatin hilbijartin. Destpêkê ji aliye Şemal Silêman ve taslaxa Tevgera Hemwelatiyên Azad û Yeksan hate xwendin. Piştre jibo rêvebirina hilbijartinê komisyonek kû ji 5 kesan pêktê hate pejirandin. Jibo rêveberiya Tevgera Hemwelatiyên Azad û Yeksan ya Ranya 16 kesan xwe pêşniyar kir. Di hilbijartinan de 66 delegeyan dengen xwe bikaranîn. Di encama dengdayînê de ji 16 kesan 9 kes jibo rêvebertiyê hatin hilbijartin.
Di dawiya konferansê de Selman Koçer kû yek ji wan kesên kû ji bo rêveberiyê hatibûn hilbijartin ji bo beşdarvanan axivî . Koçer di axaftina xwe de jibo yên kû di hilbijartinê de hatî pejirandin û nehatî pejirandin jibo hemû kesên kû beşdarî konferansê bûyî re spasiya da nîşakirin û ji hemû kesî re serkeftin xwest. 

DÎHA/RANYA