Li kantonên Rojavayê Kurdistanê tê plankirin ku sala 2016-2017’an a perwerdeyê, ji pola yekê heta 12’an hemû ders bi zimanê dayikê bên dayîn. Di sala perwerdeyê ya 2015-2016’an de cara yekemîn ji refa yekê heta 6’an hemû ders bi zimanê dayikê hatin dayîn.
Li Rojavayê Kurdistanê ji destpêka şoreşê ve di warê perwerdeyê de gavên mezin hatin avêtin û sîstema perwerdeya civaka demokratîk hêdî hêdî rûdine. Sala perwerdeyê ya 2015-2016’an bi dawî bû û nirxandinên giştî hatin kirin. Di nirxandinan de hat diyarkirin ku encamên gelekî girîng hatine bidestxistin û biryar girtin ku pêngava sêyemîn a di asta şoreşî de bê avêtin.
Li gorî taybetiya kantonan rewş diguhere
Xebatên perwerdeyê ku destpêkê bi dewreyên ziman û dibistanên taybet hatibûn meşandin, sala perwerdeyê ya 2015-2016’an, cara yekemîn li tevahiya dibistanan hatin domandin.
Sala 2015-2016´an, li Kantona Cizîrê ji pola yekê heta 3’yan û li kantonên Kobanê û Efrînê jî, ji pola yekê heta 6’an hemû ders bi zimanê dayîkê hatin dayîn.
Li gorî vê yekê, li hersê kantonan hejmara dibistanên ku perwerde lê hatiye dayîn, xwendekar û mamosteyên ku tevlî perwerdeyên zimanê dayîkê bûne wiha ye:
Hejmara dibistanan li Kantona Cizîrê
Dibistanên seretayî: 1394 ,Dibistanên navîn: 195, Dibistanên amadeyî: 110, Dibistanên hevbeş: 111, Peymangehên gihandina mamosteyan: 12, Akademiyên mamosteyên jin: Yek
Hejmara xwendekarên pêşdibistanê:
Kurd: 2026, Ereb: 588
Hejmara xwendekarên dibistana seretayî:
Polên 1, 2, 3 (Kurd): 23339, polên 1, 2, 3 (Ereb): 17346
Hejmara xwendekarên Kurd û Ereb ên ku li refên 4, 5, 6’an dixwendin: 43309
Hejmara mamosteyan
Hejmara mamosteyên Kantona Cizîrê yên par li ser kar bûn: 4362
Her weha li Kantona Cizîrê par 428 hezar 991 pirtûk li xwendekarên seretayî hatine belavkirin.
Dibistanên Kantona Efrînê û hejmara xwendakaran
Dibistanên seretayî: 260 (Ji vana li 41 dibistanan du danan perwerde dihat dayîn)
Dibistanên navîn û amadeyî: 50
Hejmara xwendekarên li dibistanên seretayî dixwendin: 38956
Xwendekarên Kurd: 27948
Xwendekaren Ereb: 11008
Hejmara xwendekarên dibistanên navîn û amadeyî: 8000
Hejmara mamosteyên Kantona Efrînê: 1964
Dibistanên Kantona Kobanê
Baxçeyên zarokan: 2
Dibistanên seretayî: 187
Dibistanên navîn: 14
Dibistanên amadeyî: 3
Hejmara mamosteyên Kantona Kobanê bi giştî: 723
Bajarokên Sirîn û Girê Sipî
Li bajaroka Sirrin, ji bo xwendekarên Ereb 21 dibistan hatin vekirin.
Li Girê Sipî jî li 107 dibistanan 7800 xwendekar hatin perwerdekirin.
Bi giştî hejmara xwendekaran: 35800 (ji bilî hejmara dibistanên li xeta Sirînê)
Dersên sala 2015-2016’an hatî dayîn
Ji bo dibistanên seretayî: Polên 1,2,3: Zimanê Kurdî, Civak û Jiyan, Matematîk, Mûzîk, Wêne ,Spor
Polên 4,5,6: Zimanê Kurdî, Zimanê Erebî, Matematîk, Zanistên Civakî, Zanyarî, Spor, Mûzîk ,Wêne
Amedekariya ji bo sala nû
KPC-Demokratîk piştî ku li gel desteyên perwerdeyê nirxandinên xebata par kirin, biryar da ku sala perwerdeyê ya 2016-2017’an pêngavekê bi pêştir bavêje. Li gorî vê yekê, wê li Kantona Cizîrî ji refa yekê heta 6’an, li kantonên Kobanê û Efrînê ji refa yek heta 12’an hemû ders bi zimanê dayîkê bên dayîn.
ŞÎNDA EKREM/QAMIŞLO