Qedexeyê vejyayîşê kuçe ke bi behaneyê operasyonê lejkerî 39 dew û dewokanê Licê, Hezro û Karaz de 16ê Hezîran de amebi îlankerdiş hewadîya. Leşkerî tayî mintiqayan ra peyser ancîyay, la pêrokîn herêm bin ablûqa de ya.
Wextê qedexe de quwetanê dewlet eştî keyeyan ser, bi desan welatijan tepiştî û birrî day ver adir. Vatişê dewijan zilmo ke leşkeran wextê “qedexe” de ferz kerdî rafînay ver çiman. Bi wedarnayîşê “qedexe” ra pîya zilmo ke çeteyanê artêşa Tirk day ramiten zî vejya werte. Leşkerê ke rayanê dewanê “qedexe” bi xendek û kemeran girewtî, dar û birran veşnay. Wextê “qedexe” de leşkeran eştî xeylê keyeyan ser û bi desan welatijan girotî bin çiman. Tayî welatijî zî bin nameyê ‘terorîst’ o de hedef amey girewten û giran bî dirbetin.
Zilmê leşkeran bi nînan ra sînordar nêmend. Xoza zî hedefê hêrîşanê leşkeran de bî. Leşkeran birrê (daristan) dewa Yolçati yê Licê day ver adir û weşnay.
Qedexe ra dima ablûqa
Dewijan day zanayîş ke netîceyê veşî de xeylê dar û birrî veşay û bi saya varonî adir vemiryayo. Welatijan herzewbîn aşkere kerdî ke qedexe do roşanî ra dima reyna bîro îlankerdiş hu nêrazîbîyayîş damûsna.
Rixmo ke qedexe wedarîya, pêrokîn herêm de ablûqaya leşkerî ramena.
AMED