Licê de 18 taxan de îlankerdişê qedexe ra dima bi tewrbîyayîşê bi hezaran lejker, polîs û qoricîyan operasyon ame destpakerdiş. Welatijê ke mintiqeyê operasyonî de yê ra agahî nînê girewten.
Dewê ke mintiqeyê operasyonî de yê bi teyareyanê şer û helîkopteranê kobra û skorsky amey bombevornayen. Herzewbîn wesayîtê zirxî zî sewqê herêmê operasyonî amey kerdiş. Bi hezaran lejker, polîs û qoricî herem girotîye bin ablûqe. Goreyê zonayîşê ke walitiyê sûk day, 7 hezar cendirme, 600 tîmê taybet û 559 qoricî tewrê operasyonî benê.Reyna operasyonî de 17 helîkopter, 33 kobra, 35 kîrpî, 16 ejder û wesayîtê Land Rover yenê xebetnayîş. Heto bîn ra makîneyê kar yê Karê Awe yê Dewlete(DSÎ) zî berdîyayê herem.
Herêma ke şîyayîş û ameyîşî rê amê girewten de şebekeyê telefonan zî nêancenê. Nayî ra welatijê ke nê dewanê qedexekerdî de ciwîyenê ra xeber nîna girewten. Goreyê zonayîşan beno ke operasyon ver bi Çemê Elik, Xirabê û Spênî yê hîrêgoşeyê Licê-Hênê-Dara Hênî bîro herakerdiş. Çolterê dewa Mêrgê yê Licê ke qedexe ameyo îlankerdiş de vengê tifingan berz bi.
‘Bikewê hereket’
Rêxistinanê KCD, TJA, DBP û HDP zî bi îzahatekê nuşteyî hayr ant ablûqeya Licê ser. Îzahatî de vajîya ke Licê bi rîskê qetlîamî ra rî bi rî yo û vengê dekewtişê hereketî ame dayen. Rêxistinan îzahatê wertexîn de vist vîrî ke hewl yeno dayen ke aqibetê dewanê Nisêbîn Xerabê Bava û Talatê bîyarîyo Licê ser û seba vernîgirewtişê jew îxlalê heqê mordeman yo bîn vengê hestîyarî ame dayen.
AMED