Merkezê Kulturê Kurdan ê Theofîlosî yê bajarê Lîmassolî yê Qibrisî de, Şehîd Xemgîn Setkar (Abdullah Temel) ame vîrardene. Keyeyê Temelî ra Pîroz Temele, datîzayê ey Suleyman Temel û Fatma Jîrkî, hetê bînî ra Merkezê Kulturê Kurdan ê Theofîlosî ra Kamîl Akalinî seba vîrardişê şehîdan qisey kerd.
Fatma Jîrkî bi nameyê keyeyê Temelî qisey kerd û wina va: “Dewa ma Setkar merkezê yewbîyayîşê çar nuqtayanê Kurdistanî yo. Heta nika nêverdayo ke dişmen na herême de ser bikewo. Şerê Başûrî yê serra 1976 de û Komkiştişê Helbeçe yê serra 1988 de bi hezaran domananê Botanî vera Sedamî de şer kerdî û şarê Başûrî rê wayîr vejîyayî. Partîyê girdî yê Başûrî sere de YNK û PDK ganî destûr nêdê dagîrkerîya dewleta Tirkî. Seba yewîya Kurdan ganî bikewê mîyanê tegêrayîş û têkoşînî.”
Kombîyayîşê vîrardişî de sînevîzyonêk derheqê kekê Temelî şehîd Yûsûf Temel û şehîdanê Efrînî ra şehîd Mervan Merdîn û Sema Yuce de ame nawnayene. Vîrardiş bi siloganê ‘Şehîdî nêmirenê’ qedîya.
ç