Vera tecrîdo ke Rayberê Şarê Kurdî Abdullah Ocalanî ser o yeno domnayene de do xeylê welatanê dinya de grevê vêşanîye bêrî destpêkerdene. Dîvanê Hemserekîya KCDK-Eye zî babete ser o îzehetêko nuştekî da û seba ke beşdarê grevan zêde bibo, veng da herkesî.
KCDK-Eye vato ‘felsefeya Rayber Apoyî ke bîya hêvîya herkesî, ewro hedefê kehenperest û hêzanê mîyanneteweyîyan de ya’ û wina dewam kerdo: “Cok ra vera Rayber Apo û îdarekaranê Tevgerê Azadîye de tayê planê lêminî dewre de yî. Tecrîdo ke Rayber Apoyî ser o yeno domnayene, açarîyayo konseptê îmha. Senî ke prosesê yewinî yê komplo hetê şar û dostanê ma ra veng ame vetene, do prosesê dîyinî zî veng bêro vetene. Seke Leyla Guvene îfade kerdbî, tecrîd tena Birêz Ocalanî rê nê, heme muxalîfan ser o yeno domnayene.”
KCDK-Eye îzehetê xo de vato ‘eke ma serbikewî do netîceyê ci yê tarîxî bibî’ û wina domnayo: “Ganî ma têkoşînê xo zêde bikerî û tecrîd wedarnî. Bingeyê têkoşînê ma de do vengvetişê komplo û wedarnayîşê tecrîdî bibo. Waştişê ma herkesî ra o yo ke wa vera Erdogano dîktator de bivinderî û beşdarê grevanê vêşanîye bibî. Wa herkes wayîrê çalakîyan bivejîyo.”
BRUKSEL