Xoverodayişê Kobanê ra pêroyina dinya, Tirkîya û çar parçeyê Kurdistanî ra beşdarbîyîş domyeno. Seba beşdarbîyîşê xoverodayişê Kobanê, Ubeyd Mîhemed şaristanêka Hecîawaya Ranyaya Kurdistanê Vaşûrî ra ame û refê YPGî ra beşdar bi. Mîhemed demo vîyarteyî de 6 serre pêşmergetî kerdo û 28 serra yo. Ubeyd Mîhemed sempatîzanê Tevgera Goran o.

CUYAYIŞÊ AZAD
Ubeyd Mîhemed hîkayeya xo ser qise kerd. Mîhemed vat ke ey seba cuyayişê azad û pawiyayişê Kobanê beşdar refê YPG bîyo û wina vat: “Ya ma do çeteyê DAIŞî ra Kobanê goristan bikerê ya zî cenazeyê min Kurdistanê Vaşûrî ra şîro.”
Mîhemed destnîşan kerd ke ey seba cuyayişê azad, şar û axê xo Kobanê ra ameyo û wina domna: “Ma do çeteyê DAIŞî ra Kobanê goristan bikerê, belkî yew destê min şikyayo la no qet xoverodayişê min ra asteng nêyo. Min ra muhîm pawiyayişê Kurdistanî yo. Nika heme şarê ma kurd, seba Kobanê yew bîyê û na rewş zî seba min çimeyê keyfweşî yo. Ganî her tim ona bibo, veng û armancê ma yew bibo. No armanc zî axê firaz a Kurdistanî xelisnayiş bibo. Seba ma qet ferqî parçeyan çin o. Rewşa muhîm pawiyayişê Kurdistanî yo. Ganî ma nirxê neteweye bipawî. Eke kam no rayîrê bişopnê do armancê xo ser biresno û serfiraz bibo.”
 
BIRAYÊ MIN ŞER KENÎ
Mîhemed destnîşan kerd ke seba ke beşdarê xoverodayişê Kobanê bîyo, ey zaf keyfweş o û wina dewam kerd: “Nika di Kobanê de birayê min şer kenî, no ser zî ez zî ameya noca. Seba ma axê Kurdistan muhîm o. Ez bawerake dema kilmî de do ma serfiraz bibî. Tenya yew semed ra ez noca ra ameya, a zî pawiyayişê nirxê netewe yo. Seba min Kobanê, Hewlêr, Kerkûk, Silêmanî, Mahabad, Sinê û Amed ferq nêkeno. Heme axê Kurdistanî yê. Ez şarê xo ra vana ke ganî ma yew bibê. Seba menfaetê Kurdistanê ma fikrê xo taybetî ra fek verabidî, encax bi no rayîrê ma serfiraz bibî.”

RAYVERÎ RA AZADÎ

Mîhemed ciresna ke di demo vîyarteyî de birayê ê seba pawiyayişê Vaşûrî, Rojawan û Rojhîlatî ra amey, embazê ê gerîla zî seba pawiyayişê amey û no dergî da qise xo: “Nika ez noca ya, ez rayedarê PKKe ra spas kena, seba a roje amey. Ameyişê înan ma ra zaf hêz da. Ameyişê gerîla seba ma dîroke bi. Eke gerîlayan nêbîynê do bi hezaran êzidîye destê çeteyan bikewtî. Tirkîyaye DAIŞ ra hetkarî dana û no zî di Kurdistanê Vakurî de ravêreyeya çareserî zirar dona. Ez bawerake do ma bi têkoşînê, di çar parçeyê Kurdistanî de aştî û azadîye serwer bikerî. Ma azadîya şar, Rayverê xo Abdullah Ocalanî wazenî. Beşdarbîyîşê ser, malbata min ra hetkarî da. Seba ma nê ferqî Pêşmerge nê zî YPG est o. Ma heme birayê yewnan ê.”



ERSÎN ÇAKSU - ÎBRAHÎM ASLAN/DÎHA/KOBANÊ