Sûka Almanya Sîegen de şexs dê Edîbe Karakan (Ronya Botan) û Safîye Ozpolat (Sozdar Zerdeşt) de şehîdê şoreşê Kurdistan yad bî. Merasîmê yadkerdişî de sozê berzkerdişê tekoşînê şehîdan ame dayen.
Serva (qandê) gerîlaya HPG Edîbe Karakan ke 7ê Mijdare de Şirnex de şehîd kewt û şervana YPJ Safîye Ozpolat ke 11ê Mijdare de Qomişlo de şehîd bî Sîgen de merasîma vîrardişî virazîya. Merasîma ke roja Yewşeme hetê Meclîsê Şar yê Sîegen yew salon de virazîya û 200 Kurdistanijî tewr bî de keye û merdimanê hurdî şehîdan serweşîye Kurdistanijan qebûl kerdî.
Vinderdişê hurmetî ra dima maya gerîlaya HPG Edîbe Karakan Hatîce Karakan qisey kerd û va, ‘Ma şehîdî zî bidê, keyeyê ma zî birijnê, ma dê tim û tim serreberz vinderê’. Karakan vist vîrî ke azadî bê bedel nêbena û aşkere kerd ke iyê dê na dawa ra fek veranêdî.
‘Wextê seferberî yo’
Ser nameyê Dezgeha Malbatê Şehîdan (KOMAW) maya 2 şehîdan Şengê Kahraman qisey kerd û pêrokîn şehîdê Kurdistanî vîrard. Kahraman aşkere kerd ke nika her roj merasîmê vîrardenî virazîyenê û va, no yeno na mane ke ma nika demê seferberî de yê. Kahraman da zonayen ke zey malbatê şehîdan dê her tim vera zulmî de vinderê û ser payan de vinderê. Qiseyan ra dima werdiş ame vilakerden.
Sûka Almanya Essen de zî îdarekarê PYD Meysa Baqî, Zekeriya Îbrahim, Hîkmet Tokmak, Nebo Alî û Haci Cûma Alî ke 29î Mijdare 2004î de Musîl de netîceyê yew damî de şehît kewtî yad bî.
Merasîm de herzewbîn maya kadroyê pêşeng yê PKK Alî Haydar Kaytanî Gulîzar Kaytan ke 29ê Mijdare 2014î de weşîya xo kerd vinî zî yad bî. Seba vîrardişê Kaytan loqme vila bî.
SÎEGEN / ESSEN