Hemleya ‘Xezebê Firatî’ 2 aşmîyo destpa kerdo û heta nika xeylê dewe, mezra û cayê stratejîkî amey xelesnayiş. Bi hezaran ciwanê sûrîyeyijî zî bin banê HSDyî de têkoşîn danî.
Nê ciwanan ra yew zî Rustem Rakkayo ke destê çeteyanê DAIŞî ra pak bîbî û beşdarê hêzê HSDyî bîyo yo. Rustem Rakkayî qala beşdarbîyîşê xo kerd.
Seba azadîya Sûrîye
Rustem Rakkayî va ‘ma Reqa de ronîşenî’ û qiseykerdişê xo wina domna: “Ez yew aşme verê bi keyeyê xo reyde destê çeteyan ra remaya. Ma domanê nê bajarî yî û seba nê bajarî çi destê ma ra bêro, ma do bikerî. Heme şar û bawerîyî seba ke zulmê DAIŞî peynî bikerî, bîyî yewe. Ma seba azadkerdişê Sûrîye aver şonî.”
Rakkayî dewamê qiseykerdişê xo de va ganî sifteyîn şarê Sûrîye û heme şarî piştî bidî ma’ û qiesykerdişê xo wina qedêna: “No meseleyê azadî yo. Sereyê ma tîk o û ma seba rûmetê xo şer kenî. Ma do demêko nizdî de bikewî Reqa û bajarê xo destê çeteyan ra bigirî. Ma do bajarê xo teslîmê şarê xo bikerî.”
REQA