Koordînasyonê Bajarî yê Kongreya Demokratîke ya Şaran (HDK) û Rêxistina Eskîşehîrî ya Partîya Demokratîke ya Şaran (HDP) bi kombîyayîşêk şarî kampanyaya xo ya ‘nê’yî dayî destpêkerdiş. Kombîyayîş Taxa Gultepe de ame viraştiş û Parlamenter Mîthat Sancar zî beşdarê kombîyayîşî bî.Sancarî heqê qiseykerdişî girewt. Sancarî zî va ‘ganî serkewtişo ke 7ê Hezîrane de amebî qezençkerdiş, nêro vîrîkerdiş’ û wina domna: “O wext seba ke ma destê yewbînan tepiştbî, ma qezenç kerd. Ma heme bindestî amebî têhet û ma bi no hawa qezenç kerdbî. Ma no welat de ancax azadî û biratî ra vajî ‘ya’. Wexto ke ma nêronî, îqtîdar keweno panîkî mîyan.
Ma nêtersenî
Sancarî dewamê qiseykerdişê xo de wina va: “Îqtîdar bi bedilnayîşê sîstemî wazeno xo bigiro bin temînatî. Wazenî bi nê sîstemî heme muxalîfan bigirî bin kontrolê xo. Ma do qerarê xo de bi hawayo qewetin bibî. Çimkî ma dayîşê bedelî ra nêtersenî. Bedelê ci se beno wa bibo, ma do referandûm de vajî nê.”
ESKÎŞEHÎR