Paytexta Fransa Parîs de zî Newroz ver banê Sarcelles de bimbarek bî. Bimbarekîna ke bi şîyara ‘Ma dê tesil serbikewê’ virazîya de bi hezarî kes tewr bî.
Wekerdîşê adirê Newrozî ra dima Hemserokê KONGRA-GEL Remzî Kartal’î qisey kerd û Newroz Rayverê Şarê Kurd Abdullah Ocalanî ra pîya pêrokîn kurdan rê bimbarek kerd. Kartal’î hayr ant referandûmê 16’ê Nîsane ser û va, “Referandûm firsetêk o û aşkere kerd ke herkes êşkeno vengê Nê bido û derbeyekê gird Erdoganî ro do.
Vera faşîzmî têkoşîn
Bimbarekîn de mesaja Newroz yê Parlamenterê Partiya Sosyalîst Françoîs Pîpponnî, Komeleya Kurdistanijê Fransa Pascal Torrre, HDK-Fransa, MLKP, FEDA,CİK,û Temsîlkarîya Ciwanên Azad ê Parîs amê wendiş. Pêrokîn mesajan de vera faşîzmî hewcedarîye berzkerdîşê têkoşîn vistîya vîrî.
Bernameyê kulturî yê bimbarekînî de zî Bûlent Tûran, Hîvron, Şengûl Pak, Hozan Marûf, Koma Zelal, Zazlooz, Koroya Domanan û Koma Govend vejyay ser sehne.
PARÎS