Taxa Sirrinê Halîlîye ya Riha de welatijê alewî ke cuyenî, peynîya şerê derbekaran vengdayîşê serekkomar Erdoganî meydan û kûçeyan ra vejyayîşî çeteyê DAIŞ, AKP û faşîstî ser o qerqizyenî. Welatijê alewî vatî ke ê qirkerdişî Gurgum, Sêwaz, Gazî û Çorumî cuyayî, no ser weş zanenî, no ray ê dê xo bi xo bipawî. Welatijan ra Metîn Bulut destnîşan kerd ke çi heyf ke her dem alewî yenî hedefgirewtiş. Peynîya 15’ê temmuze çi balo ke zey ke ülewîyan derbe kerdî, çeteyê AKP hêrişê alewîyan kerdî.
Bulut aşkera kerdî ke Riha de hêrişê çeteyan ser ê zî qerqizyenî, çimkî hetanî nika her tim alewîyan ser o kayê lêmin ameyî kaykerdiş do êdî nê kayan ra nîrî. Bulut bal ant polîtîkayê lêmin ê AKPî ser o û destnîşan kerd ke Gurgum de AKP çinkerdişê alewîyan ser o kampê AFADî înşa keno, ê şewa ke îbadet bikerî, dorûverê cemxaneyî ra nobedar ronenî, çimkî nêçare ê xo bi xo bipawî.Bulut îzeh kerd ke hukimatê AKP qet alewîyan welatijê no welatî nêdî, heme polîtîkayê hukimatî verba alewîyan ambargoyêk o.
DÎHA/RIHA