Endamê Partîya Komunîst a Fransa (PCF) Gontardo ke hetkarê serekê Komîsyonê Averberdiş û Awanîsazî yê Senatoyî yo, heman wextî de endamê Koma Komunîste, Komarperwer, Ekolojîst û Hemwelatijan (CRCE) yo ke xeylî partîyanê çepî ra yena pê.
Gontardî hemserekê KCDK-E Yuksel Koçî rê mektûbêk şirawita. Gontardî mektûba xo de dayo zanayene ke xoverdayîşê vera tecrîdî de ‘tewirêko cesûr’ o. Gontardî bale anto serê mektûba çalakwanan a ke 19ê Sibate de ê rê amebi şirawitene û ard vîrî ke hetê sîyasî ra ê Ferhat Encuyî rê wayîr vejênê ke parlamenteranê tepişteyan ra yew o. Gontardî dîyar kerdo ke o piştî dano xoverdayîşê grevê vêşanîye yê Strasbourgî ke 17ê Kanûne ra nata dewam keno.
Senatorê fransayijî vato ‘ez wazena piştîdayîşê xo pêşkêşê nê însîyatîfê şima yê çetinî bikerî ke seba azadîya şarê xo bi mîlîtanî têgêrenê’ û wina qedêna: “Ganî binpaykerdişê heqanê Kurdan ê bingeyênî biqedîyê. Ganî cimato mîyanneteweyî seba pawitişê peymananê mîyanneteweyîyan, tedbîranê lezgînan bigêro. Ganî hêrişî Tirkîya û parçeyanê bînan ê Kurdîstanî de benî, vinderê.”
ANF / STRASBOURG