Şerwanê azadî her ke şonê nizdîyê azadîya Reqa benê. Şerwanê ke cayanê cîya-cîyayan ra tewrê rêxistinê azadî bîyî, Reqa û heme cayê Kurdistanî çeteyanê DAIŞî ra pak kenî û Sûrîyeya demokratîke awan kenî.
Şerwanê Meclîsê Leşkerî yê Suryanî Havro û Zeydî Hemleya Xezebê Firatî ser o qisey kerdî. Havro, destpêkerdişê Hemleya Xezebê Firatî ra nata şer de ca gêno, qisey kerd û va ‘Her roja ke şona ma hîna zaf nizdîyê azadîya Reqa benî û çeteyanê DAIŞî erdê Reqa ra pak kenî’ û qiseykerdişê xo rê wina dewam kerd: “Ma şarê tewr kehen yê nê erdan î. Ma game bi game nizdîyê azadîya şarê xo benî. Bawerî û şaranê cîya-cîyayan ra tewrbîyayîş virazîyeno. Hedefê ma hemînan yew o. Çiqas ma pîya şer bikerî, hende yewîtî û ciwîyayîş xurt beno. Bawerîya ma bi azadîya Reqa rê zaf a. Ma do Sûrîyeya demokratîke awan bikerî.”
Zeydî ke eslê xo de suryanî yo zî babete ser o qisey kerd û va ‘Reqa cayê xo yê tarixî û mozaîgbîyayîşê şaran reyde yena şinasnayîş’ û qiseykerdişê xo wina domna: “Ez bi cagirewtişê xo yê hemle de zaf kêfweş a. Seba cagirewtişê hemle, zaf hetanê komelî ra tewrbîyayîşî virazîyenî. Şarê Reqa verê cû bin îqtîdarê El Nusra, Ehrar El Şam û çeteyê DAIŞî de ciwîyayêne. Ma do bi şer ser bikewî û erdê xo heme çeteyan ra xo pak bikerî.”
MAHÎR YILMAZKAYA / ANF / REQA