SORGUL ŞÊXO/DÊRAZOR
Hêzê Sûrîyeya Demokratîke (HSD), YPG û YPJyî bi îzehetê Meclîsê Leşkerî yê Dêrazorî aşkere kerdbî ke ê Hemleya Firtineyê Cizîrî dayî destpêkerdiş. Na hemle seba xelisnayîşê rojhelatê Firat û Dêrazorî ameya destpêkerdiş. Na hemleya ke rizgarkerdişê Reqqa ra dima seba rizgarkerdişê Dêrazorî ameya destpêkerdiş, cinîyan rê bîya hêvî.
Babete ser o cinîyê ke beşdarê Hemleya Firtineyê Cizîrî bîyî, qisey kerdî. Cinîyan ra Koçerîn Tolhildane va ‘ma do na hemle de heyfê heme cinîyan bigîrî’ û wina dewam kerde: “Ma bi na hemle sere de cinîyan û heme şaran azad bikerî. Ma senî ke cinîyanê Reqqa azad kerd, ma do cinîyanê Dêrazorî zî azad bikerî.”
Mizgîn Botane zî wina va: "Kamcîn şar beno wa bibo ferq nêkeno, ma do hemînan azad bikerî. Hemleya ke ma daya destpêkerdiş, bi moral û coşêko gird dewam kena. Ma heme bi waştişêko gird beşdarê hemle bîyî. Tena yew cinîye daxî bimano, ma do xo azad nêhesibnî.”
Cinîyan ra Bêrîtan Warşîne zî wina va: “Ez tîya de bitaybetî veng dana cinîyan û pêroyîya şarê Dêrazorî, wa hetkarî bidî Meclîsê Leşkerî yê Dêrazorî ke ma bişînbî demêko kilm de înan azad bikerî.” pêroyîya şarê Dêrazorî, wa hetkarî bidî Meclîsê Leşkerî yê Dêrazorî ke ma bişînbî demêko kilm de înan azad bikerî.”