Yew bajaro ke HDP demo vîyarte de serkewto Agirî yo û HDPyî tîya de hîrê parlamenterî vetbî. HDP nika zî xo amade keno ke 4 parlamenteran bierşawo meclîs. Kezîban Dumlu rêza 4. ra namzeda bajarî ya û qezaya Bazîdî de ameya dinya û 2008 ra nata xebatanê partîye mîyan de ya. Dumlu wexto ke Amed de xebatan kena, yena tepiştiş û dima ra veradîyena û bena namzeda Agirî. Dumluye daye zanayîş ke Tirkîya de partîya tewr demokratîke HDP ya û qiseykerdişê xo wina domnaye: “HDP yewin partîya ke heqê temsîlkarîya têduşte bica ana ya. Agirî de zîhnîyetê feodalî tede hakim o. Şiknayîşê nê zîhnîyetî zehmet o. Mintiqaya Serhedî de bi nasnameyê cinîyan têkoşîn dayîş, zaf zehmetin o. La têkoşînê azadîya cinîyan mintiqaya Serhedî de bedilnayîşêk ardo meydan.” Ganî ma têkoşîn bidî Dumluye daye zanayîş ke ê do seba heqê xo yê destser ronîyayî tepîya bigîrî, têkoşîn bidî û wina va: “Eke ma bêrî weçînayîş, hedefê ma estê. Ma mintiqayêka ke vera cinî û domanan de hêrişê zayendî virazîyenî û qezencê cinîyan hetê qayûmî ra ameyî xespkerdiş deciwîyenê. Wexto ke ma şêrî meclîs ma do seba heme heqanê xo têkoşîn bidî. AKP her tewir şîddet vera cinîyan de keno. Weçînayîşan de rolêko gird keweno milê cinîyan û cinîyî do 24ê Hezîrane de cewabêko tewr gird bidî.” JINNEWS / AGIRÎ