ENES YILDIZ / ANF/ BEHDÎNAN
Gerîlayê HPGyî Egîd Seqiz serra 2015î de şaristanê Seqizî yê Rojhelatê Kurdîstanî de tewrê gerîlayan bi. Seqizî derheqê têkoşînê xo de qisey kerd û vat: ‘’Ganî însan bi waştişêkê pîlî verar şoro welatê xo. Merdim bi xo bira her çîyî dano. Ez sey yew gerîlayî kewta dima hêvî û xeyalanê xo. Panc serr ê ke ez mîyanê têkoşînî de ya. Wexto ke mesele bena azadîya komelî, azadîya serekî koyanê Kurdîstanî de xoverdayîşê gerîlayan hîna manadar beno.
Serra 2015-2016î de xoverdayîşê kurdan zaf tesîrê mi kerd. Her parçeyê Kurdîstanî de ruhê xoverdayîşî esto. Ez sey xortêkê kurdan estbîyayîşê xo mîyanê gerîlayan de dî. Îran zî sey Tirkîya nêzdîyê kurdan bena. Nasnameyêko azad û îradeyêko azad nênê qebulkerdene. Kurdî her ca de wazenê destkewteyanê xo bipawê. Ez bi xoverdayîşê şarî û şerwananê kurdan reyde kewta rayîrê azadîye. Eke xoverdayîşê kurdan Kobanê de Rojawan de estbe ganî şariştanê Seqizî û Merîvanî de zî estbo.
Her çi ra verî ganî kurdî xo qirkerdişî ra bixelisnê. Gerîlayî koyan de vera hêrişan xo ver danê. Ma wazenê nê wisarî de hemleyêka pîle bikerê. Gerîlayan ra nêbo, hêzê kurdan ê pawitişî ra nêbo, serdestan do kurdî çim bikerdêne. Gerîlayî sîstemê Îmraliyî qebul nêkenê.”