Hemserekê Konseyê Caardişî yê KCKyî Cemîl Bayikî derheqê wefatê Sekreterê Pêroyî û Serekkomaro kehen yê Iraqî Celal Talabanîyî de qisey kerd.
Hemserekê Konseyê Caardişî yê KCKyî Bayikî destpêkê qiseykerdişê xo de va ‘ez seba keye, dost, YNK û heme Kurdistanî serweşî wazena’ û wina dewam kerd: “Mam Celal demêko derg bî ke nêweş bî û dima ra wefat kerd. Mam Celal tena YNK û Başûrê Kurdistanî reyde bisînor nêmend, seba heme Kurdistan û Rojhelato Mîyanên rolêko tarîxî kay kerd. Eke nêweş nêbîyêne îxtîmal estbî ke do seba problemanê Iraqî çareserî bidîyêne. Mam Celalî emrê xo heme seba şarê xo feda kerd, ganî herkesî rê bibo nimûne.”
Şexsê Rayber Apo û Mam Celalî de yewîya neteweyî awan bîye
Bayikî dîyar kerd ke herêma ke Mam Celal tede hakim bî de roşnvîrîyêk aver şî û wina va: “Ganî merdim hewldayîşê Mam Celal û Heroxane baş bivîno. Eke ewro cinîyê kurdî destan nusenî, tîya de rolê Mam Celalî zî esto. Mam Celalî tim vatêne ‘Misir seba ereban çi îfade bikero, Vakurê Kurdistanî zî seba kurdan wina yo’ û seba xo sîyasetê neteweyî esas girewtêne. Na çarçewa de têkilî bi Rayber Apoyî û PKK reyde ronayêne. Şexsê Rayber Apo û Mam Celalî de dûştê şarî de yewîya neteweyî awan bîye.”
Ma do xeyalê ci bîyarî ca
Bayikî peynîya qiseykerdişê xo de wina va: “Ma do têkoşînî berz bikerî û waştiş û hesretê Mam Celalî bîyarî ca. Do xebatê ci nêrî vîrîkerdiş. Şarê kurd do ser nê esasî de têkoşîn bido û netîce bigîro. Eke ewro yewîya neteweyî ameya rojeve, tîya de rolê Mam Celalî esto. Çîyo ke ma ra yeno waştiş bi hawayo bihêz xeyalanê ci eştişê pratîkî yo.”
ANF/BRUKSEL