Vera qetilkerdişê gencê Kurd Kemal Kurkut ke waştbi tewrê Newroza Amedî bibo û hetê polîsan ra amebi qetilkerdiş, reaksîyonî benê jêde. Cinîyanê Dêrsimijî kî vatî ‘Ma do Kemalan nêdê vîrakerdiş.’
Cinîyanê Dêrsim cewab day îzahatê walîye Amedî yê “Bi gumanê bombayî ame kiştiş” û vistî vîrî ke walî hewl dano ke kiştişî rê qilife bivîno. Cinîyan aşkere kerdî ke bi serran o gencanê Kurdan bi nê qilifan qetil kenê.
‘Dewlete hem Kurdan rê hem zî Elewîyan rê dişmen a’
Fîlîz Dûman dîyar kerd ke iyê dê nê çîyê ke ameyî kerdiş qetî xo vîra nêkerê. Dûman aşkere kerd ke kesê ke înan ra cîya fikrêyenê wazenê înan çin bikerê. Destûr nêdanê şar bicuyo.
Elîf Toprake zî derheqê qetilkerdişê Kemalî de hina va: “Emrê domanî mi de yo, zerrîya mi veşa. Kurdan û Elewîyan zey yê bînî vînenê. Waxto Kemalê mi ver bi înan vazdayne, ferq nêke polîsî ey hedef girewtê û pey ey de yê. Verê ra dişmenê Kurd û Elewîyanê. Ma do Kemalî xo vîra nêkerê û nêdê vîrakerdîş.
ŞÛJIN/DERSIM