HDP, Parîya Şorişger, Hewldayişê 78î seba 34 qurbanê karkarî yê 1ê Gulan 1977î de Rasteyê Taksîmî de cuya xo vînî kerdî rê Kazancê Yokuşuyî de programê vîrardişî viraşt. Hemsereka Rêxistinî ya HDPê Stenbolî Elîf Bulut, Wekîlê HDPî yê Stenbolî Musa Pîroglu, temsîlkarê Partîya Çepgirî ya Kesk û zaf kes beşdarî vîrardişî bîyê û seba vîrardişê qurbanan deqîqeyêk rêz girewtê. Vîrardişî de aktîvîsê Heqê Merdiman û Aştîye Nîmet Tanrilkulu qise kerd û va ke ê do nê Rasteyê Taksîmî ra nê zî mucadeleyê xo ra fek veradê û no raste de embazê înan canê xo dayê, hetanî kerdoxanê înan ra hesab nîro persayiş û nîrî dariznayiş ê do fek mucadeleyê xo ra veranêdê. STENBOL