45 serrî verê serra 1971 de şewa ke 5 û 6ê Gulane yewbînan ra girê dana de 3 şorişgerê Tirkîya seba ke vera emperyalîzmî de sere wedarnayî, hetê cuntaya 12ê Adare ra ameyî îdamkerdiş.Kongreya Demokratîk ya Şaran (HDK) bi wesîleya sergêrra 45. ya îdambîyayîşê Denîz Gezmîş, Huseyîn Înan û Yusuf Aslanî de îzehetêko nuşteyîn da.
Hedef çinîkerdiş bi
Îzehetê HDKyî de ame dîyarkerdiş ke ti cîyayîya cuntaya 12ê Adare û îqtîdarê nikayîn yewbînan ra çin a û îzehet wina dewam kerdo: “Her çiqas ke 45 serrî bivîyarî zî 3 şorişgerî nêameyî vîrîkerdiş. Îdambîyayîşê 3 ciwanan de hedef çinîkerdiş û şiknayîşê îradeya şaran bî. Senî ke ewro şarê kurd yeno pelçiqnayîş o wext zî bi îdamî waştî ke şaran bitersnî.”
Pîya ciwîyayîşê şaran waştî
Peynîya îzehetî de wina ame vatiş:“Her serre 6ê Gulane de Denîzî newe ra yenê dinya. Denîzan waşt ke şarê kurd û tirkî sey waye û bira pîya bicuyî. Denîzî bîyî sembolê waye û biratîyan. Wexto ke şîyî îdamî nê fikiran qîrayî. Vindetişê Denîzan bî ehlaq û nimûne. Heme rayîrê azadî de herinda lingê Denîz, Yusuf û Huseyînan estî. Ma do têkoşînê înan bidomnî.”
STENBOL