Hepsîyo bi nameyê Yilmaz Uguro ke Zîndanê Şirnexî de maneno û 58 rojî yo ke grev de yo, hewteyo verên 2 rey neqlê nêweşxane bibi. Ugur 1ê Adare ra nata grevê vêşanîye de yo û xeylê nêweşîyî ci de vejîyayî. Ugur yew serre yo ke zîndan de yo. Dayîka Ugurî Emîne Bage va ‘herçiqas ke ez nêweş a zî ez her hewte şona pêvînayîşê lajê xo’ û wina dewam kerde: “Lajê mi zaf zeyîf bîyo û bêhal kewto. Tena o destê mi de mendo. Eke o zî şêro, ez do se bikera. Ti kes domananê ma ra behs nêkeno. Xemê dewlete de nîyo. Çi keye mend û çi zî domanî mendî. Êdî bes o.”
Ugurî mesajêk erşawito û mejasê xo de wina vato: “Ma heme embazî biqerar î. Heta ke tecrîd wedarîyo, ma do xover bidî û grevê xo bidomnî. Welatê ma de zextî estî û ma xover danî. Wa herkes bibo vengê ma.”