Artêşa dewleta tirkî 20ê Çileyê 2018î de dest bi hêrişê Efrînî kerdbî û 18ê adare de zî kewtbî merkezê Efrînî. Dewleta tirk nika zî sînorê Efrînî ser o dês ronena. Dês qezaya Şêrawa ra girêdaye dewanê Kimare, Cilbil û dewa Meryemînî de yeno ronayene.
Dêso ke berzîya ci 3 metre yo, dergîya ci zî do 70 kîlometre bibo. Yeno vatene ke bi no hawa do Efrîn herême ra bêro cîyakerdene. No dês çimanê rejîmê Sûrîye ver de yeno viraştene û bêvengîya rejîmê Sûrîye zî merdimî dano fikiryayene. Efrînijê ke Şehba de cuyenî, bi siloganê ‘Yan Efrîn, yan Efrîn’ ameyî têhet û vera viraştişê dêsî de reaksîyonê xo nîşan da.
Cinîyan Şazîye Îbrahîme bêvengîya dewletanê mîyanneteweyîyan şermizar kerde û wina va: “Ma vînenî ke heme dewletî vera îşxalî de çimanê xo gênî. Bi nê dêsî hewl danî Efrîn erdanê Sûrîye ra biqerfnî. Eke ê viraştişê dêsî de israr bikerî, ma do bi destanê xo birijnî.” Cinîyan ra Dilîvan Îbişe zî va ‘wa nêvajî qey ma tersenî, îradeya cinîyan do nê dêsî zî birijno.”
Xedîce Muhemede va ‘ê wazenî ma erdê ke bi gonîya domananê ma awe dîyaya ra biqerfnî’ û wina dewam kerde: “Labelê ê do sernêkewî. Ma do rojêk tesilî biagêrî Efrîn.” amade yî.” n JINNEWS / ŞEHBA