Federasyonê Yewîya Elewîyan Yê Avusturya ke serra 1989î ra nata xebatanê xo domneno, Wezîrîya Kulturî ya Avusturya ra teblîgatêk girewt. Goreyê naye elewîyan ra yeno waştene ke ê goreyê îslamî têbigêrî.
Teblîqato ke rîyê gerrekerdişê Yewîya Elewîyo Îslam ya Avusturya ra ameyo şawitene, tede yeno vatene ke heme komelê ke Federasyonê Yewîya Elewîyan yê Avusturya ya pabesteyî ya goreyê qeydanê îslamî têgêrenî ya zî nê Merkezê Kulturî yê Federasyonî de destûr nêdîyeno Cem, Semah û aktîvîteyanê se qursê sazî, mare û cenazeyî.
Federasyonê Yewîya Elewîyan yê Avusturya verê Wezîrîya Kulturî ya Avusturya de çalakîya roniştişî viraşt û no nêzdîbîyayîşo faşîst protesto kerd û wina va: “Ma elewî yî û do elewî bimanî. Kam agêreno wa agêro ma rayîrê xo ra peyser nêagêrenî.”
Eşkerayîya ra dima temsîlkaranê dezgehan qisey kerd. Ame vatene ke eke çew kuçeyan caverdo dewlete heqê çewî nêdana. No semed ra seba wayîr heq û îtîqatê xo vejîyayîşî elewî do çalakîyanê xo rê dewam bikerî.
PÎRHA / STENBOL