47 ciwananê ke bajaranê cîya-cîyayanê Kurdîstan û Tirkîya ra beşdarê gerîla bîyî, bi îzehetêk veng da keyeyê ke vernîya banê HDPyî de yî û hetê MÎTî ra yenî destekkerdene û wina va: “Ma tîya ra heme keyeyan ra vanê ke ma vera îqtîdarê faşîstî de rayîrê xoverdayîşî weçîna. No semedê ma şeref o. Wa nê keyeyî propagandaya Suleyman Soysuzî yo ke gonîya Kurdan bişimo mird nêbeno rê mexapîyê.”
Kurdîstan de verê 3 şaredarîyê girdî hetê îqtîdarî ra ameyî xespkerdene û dima ra MÎT û Wezîrîya Karanê Zereyî keyeyê ke domanê înan tewrê PKKyî bîyî, şawitê verê banê HDPyî yê Amedî. 47 ciwanê ke newe beşdarê gerîlayî bîyî bi eşkerayîyêk cewabê nê kayanê dewleta Tirkî da.
Ciwanan eşkerayîya xo de wina vato: “Şima sere de yê ke hetê Kurdan ra ameyî weçînetene heme temsîlkarê dezgehanê demokratîkan, heme kesê ke vera zîhnîyetê şima yê qirkerdoxî vejîyenê tepiştî û eştê zîndanan. Bi qayûman şaredarîyê şarî xesp kerdî. Îqtîdar seba ke ciwanan peyser bîyarê hetêk ra şima keyeyan şuxulnenê, hetê bînî ra bi tanq û topan û teyareyan înan ser o bombayan varnenê û medya de bi zuranê girdan şarî xapînenê. Vera bêşermîya şima de, ma hêrsbîyaye yê.”
Ciwanan bale ante vindetişê tayê kesan ser û wina va: “Tayê roşnvîr, nuştox, hunermend, akemîsyen û meleyî yê ke kayanê îqtîdarî yê leşinan de yenê şuxulnayene, gama ke Roboskê de teyareyanê şerî 34 domanî qetil kerdî, gama ke Şirnex, Cizîr, Silopî, Nisêbîn, Sûr, Farqîn û Licê de doman, cinî, ciwan û extîyarî ameyêne qetilkerdene, gama ke meyîtê domananê ke hetê dewlete ra ameyî qetilkerdene dolabê cemedî de ameyêne pawetene ça de bî? Qey o wext dejê dayîkan nêdîyêne? La kayo ke hetê îqtîdar û MÎTî ra ameyo amadekerdene de ca gênê. Vera na bêehlaqîye ma zaf hêrsbîyaye yê.”
Wa keyeyî propogandaya dewlete mexapîyê
Ciwanan peynîye de vato ‘ma tîya ra sere de keyeyanê xo heme keyeyan ra vanê ke ma vera îqtîdarê faşîstî de rayîrê xoverdayîşî weçîna’ û wina dewam kerd: “No semedê ma şeref o. Wa nê keyeyî propagandaya Suleyman Soysuzî yo ke gonîya Kurdan bişimo mird nêbeno rê mexapîyê. Ciwanê ke nê şarî rê anor dayo qezençkerdene û estbîyayîşê nê şarî pawenê wa fam bikerê. Çimkî cuya azade û raşte tîya de ya.”
Ciwanan nameyê xo zî eşkera kerdî
Ciwanan eşkerayîye ra dima nameyanê xo eşkera kerdî. Nameyê wina yî: “Elîf Alpşene, Nûrcan Çelîke, Pinar Gezgore, Ezgî Çinare, Gulay Akinci, Berfîn Yaşare, Dîlan Ozkiliçe, Kader Bîlene, Derya Kaçare, Şenay Harmanci, Mahmût Tosûn, Huseyîn Akar, Ridvan Olmez, Lokman Akar, Yûsûf Arslan, Delal Arslane, Şoreş Kalay, Firat Demîr, Bawer Akboga, Kerem Kararagar, Mûrat Ersan, Serhat Ersan, Sûat Parsak, Tûran Yunoglû, Mazlûm Yilmaz, Sîdar Ozdemîr, Kawa Şîmşek, Erdal Sozlu, Emîn Karabag, Ceyhûn Pinar, Devran Yaman, Ozkan Bûgdayci, Salîh Karakûş, Mazlûm Akça, Bawer Yucel, Şoreş Çîftçî, Cemal Seçkîn, Umît Babat, Kamûran Kaymaz, Emîn Kosene, Bunyamîn Çetînkaya, Mahîr Çelebî, Erdem Çelîk, Suleyman Olmez, Şervan Akkoyûn, Cîhan Kiran, Yaren Dundare.
ANF / BEHDÎNAN