Dûştê Şirnex bi aşman o êrişê dewlet ramenê. Rixmo ke vajîya ‘Operasyon qedîya’ la qedexe hona kî rameno. Welatijê ke barê qezayanê çorme kerdî wedarnayişê qedexe pawenê ke ageyrê warê xo.
Ma ser adirî de yê
Cenîya Şirnexij a 50 serrî te taxa Bahçelîevler de nişena ro Bahar Acûr da zonayen ke bado ke êrişî destpa kerdî ayî domanê xo riştî Cizîr. Acûr aşkere kerd ke ê 25 rojî bin tanq û topan de mendî û bi nê vatenan behsê ê rojan kerdî: “Ma nêşayî bivejyê teber. Bado ke aw zî birnîya ma bar kerd. Çike eke wexto ke ti bivejyê teber danê piro.” Bahar Acûr da zonayen ke 3 aşmîyo eve 11 kesan jew keye de manenê û va, ma vîrê keyeyê xo kerd û wina va:” Ma nêzanê keye mendo, nêmendo zî. Eke nêmendo zî ma dê ageyrê keyeyê xo. Ma wazenê ageyrê warê xo. Tîya de ma ser adirî de yê. Karê domananê ma ewja de yo. “
Wedarnayişê qedexe paweme
Welatija bîn ya bi nameyê Husna Okan ke barê Cizîr kerd û ewja de eve 3 malbatan ciwyenê zî wina behsa serpêameyişanê xo kerd: “ Ma taxa Ataturkî de weşî kerd. Domananê mi va ‘hadî ma şime’. Mi zî va ‘îta warê ma yo, ma şirê kotî’. La pey coy êrişî bî jêde. Ez serva domananê xo tersîya ya û serva înan vejîya ya.”
KCD şina Şirnex
Okan vist vîrî ke ê ebe çar çiman wedarnayişê qedexe pîtenê û va, ma meraq kenime ke keyeyê ma ra sebi? Çike ê cayan rijnenê, texrîb kenê. Okan va, eke hewce bikero ma dê ver keyeyayê xo de xêm ronê.
Heto bîn ra KCD zî qerarê şîyayişê Şirnexî girot. Hemseroka KCD Leyla Guven veng da pêrokîn kesanê hesteyar ke şarê Şirnex tenya meverdê.
ANF/ŞIRNEX