Nurîye Gulmene Unîversîteya Osmangazî de sey wezîfedarîya cigêrayîşî kerdêne û Unîversîteya Selçukî de zî akademîsyenî kerdêne. Seba ke beşdarê çalakîyanê Gezî bîbîye û sebebanê tewir bi tewiran ser o derheqê aye de tehqîqatî abîbîy.
Nurîye Gulmene bi Qerarnameyê Hukmê Qanûnî karê xo ra îxraç bîye û bi mamosta Semîh Ozakça reyde dest bi xoverdayîşî kerde. Gulmene vana ‘waştişê ma tena seba ma nîyo, eynî wext de seba heme kedkar û şaranê Tirkîya yo’. Seba ke Gulmene ders de wendekara xo ra vana ‘ganî ti çekuya terorîstî hîna zaf bibaldarî bixebetna’ derheqê aye de tehqîqat dîyeno destpêkerdiş. Wextê nuştişê tezî de bi rojan ez stresê ‘gelo do mi kar ra bierzî an nê’ cuyaya.
Ma musenî
Gulmene wexto ke yena tepiştiş, nuşteyêka xo ya bi nameyê ‘bêsernuşte’ de dîyar kena ke ê do bi vêşanî qezenç bikerî û nuşteyê xo de kitabê Yaşar Kemalî yê bi nameyê Înce Memedî ra parçeyêk winasî gêna: “Ma do bi vêşanîya xo hîna zaf veng bidî merdimîye. No çax de heme çî seba ke merdimîya ma bikişo, yeno organîzekerdiş. Haletê girdî seba nêyî xebetîyenî û heme berardişanê xo seba ke kirmê zerrîya ma de bikişî, kenî. Labelê nêşênî bikişî, kirmê merdimîye seba ke payan ser de bivindero, xover dano. Ma do seba merdimî vêşan bimanî. Bi hezar serran o celladê ma hetê tujkerdişê kardîya xo de bîyî westa. Ma nika xoverdayîş û serewedarnayîşî musenî. Nika ma benî westa.”
Heto bîn ra seba Nurîye Gulmene û Semîh Ozakça îzehetêk dîya çapemenî. Gulmene û Ozakça nêşînayî beşdarê çalakî bibî. Çalakî de ame vatiş ke Dêrsim de vilikî akerdî û ma bawer î ke ma do tîya de zî qezenç bikerî.
NALÎN OZTEKÎN / ŞÛJIN / AMED