Yew wekîlê AKP esto. Name eyê Cuma Îçteno. Eslê xo de bajarê Darahênê ra yo. Êşîrê Kavarî ra yo. 

La zerrê Amed de bîyo pîl. Nika zî Amed de bîyo wekîlê AKP’ê. Wekîlêk hinawo ke bê erz û hayayo. Şermê eyê çîno. Keye eyê hina bê ehleq bi ke, ma vatenê “Keye Kelarze”. Kam keye Cuma şinasneno, na raştî zî zano. 

Cuma wextê ke Lîseya Zîya Gokalp de wendenê, hem hetkarîyê çeteyên Hîzbul-Kontra kerdenê hem zî ajanî kerdenê. Hayî denê polîsê Tirk. 

Hetêk bîn ra zî keye eyê bazirganîyê eroîn û çekan kerdenê. Xo ra Cuma nika wayîrê 1300 dikanê çekano. Yane bazirgane şerîyo. Hetta yena vatiş ke çend hewî çekê ke Yemen û Misir de ameyê tepiştiş, vanê ayê çekê Cuma Îçten şiravitî seba çeteyên DAÎŞ’ê T.C. 

La reyna zurran keno û vano, tut û domame  HDP’yîyan Ewropa de wenenê.

La raştî de cîgerayîşek weş bibo vejîyeno werti ke, Cuma Îçten beyntarê serranê 2004 û 2009’an de Amerîka de Zanîngeha Newport International de wendo.

Cuma çi vatişê xirab keno, vejîyeno werti ke a xirabî eyê kerdo.

Cuma qalê eroîn keno, vejîyeno wertike Cuma û mafyacî Şexmûs Îlgîn(Zaza Şêxo) şîrîke yewbînî. Pîya karê eroîn û esrar kenê. Pereye ke eroîn ra yenê, Cuma Îçten pê ayê peran dikanê çekan akeno. Hina zê pereye helal dano nîşandayîş. 

Cuma û Şexmûs pîya karê îhalê yê sehtê zî kenê. 

Seba nayê karan Şexmûs Îlgîn serra 2010 de amibi tepiştiş. Şîrîke eyê hina bikero, Cuma seyî tepîya maneno. Cuma zî Amed de şîrketê bi name “Ada û Asmîn” virazeno. Zê pê nê şîrketan ders dayê wendekaran û wendekar ardî û berdî mekteban nîşandabi. Wexto ke cîgerayîş beno, zelal beno ke pê nê her di şîrketan qet û qet kar nîbîyo. Yanî zela beno ke Cuma Îçten pê faturayê sehte pere girewtî. 

Cuma Îçten vengê xo keno berz vano ma aşîtî wazenê û pawenê. La çîyo ke keno, zê vatişê eyê nîyo. 

Ayo ke sponsorê “Kurtlar Vadîsî yo” Cuma Îçteno. Yeno zanayîş Kurtlar Vadîsî de hemberê Şarê Kurd dişmenê û nîjadperêstî beno. 

Cuma Îçten, zê R.T. Erdoganê cemaatê Fetul-Mûnafiq ra vano “haşhaşî”. La vejîyeno werti ke heta nika hîzmetê Fetul-Mûnafiqan kerdo. Hetta Stenbol de komela “Gönül Köprüsü Derneği” ya girêdayî Fetullahîyan awankerda. 

Cuma Îçten hina rîsîyayo. Hina aseno ke çermê rîyê eyê zaf qalino. Yew tif keno rîyê eyê o vano, “şukir ya homa”.

Cumayê “keye kelarze” vano herhal yew nê emelan eyê nîzano û eyê nîşinasneno. Wa bi zano ke Şarê Kurd eyê weş şinasneno.