Mîyanê TSKî de artêşêko taybet ameyo ronayiş û no artêş de zî sey Suleyman Soylu, Rabîa Kadîr û serekê çeteyê sucî Sedat Peker kesê bi lêmin ca gênî, endamê no artêşî nika Mînbîç, Efrîn, Bab û Cerablus de operasyonê îşxalî de ca gênî.

Goreyê belgeyêka taybet aşkera bî ke artêşêko taybet ameyo ronayiş, ronayişê no artêşî de Partîya Yewîye ya Girde (BBP), Partîya Şarî ya Netewperestîye (MHP), Teşkîlatê Îstîhbaratî yê Netewî (MÎT) û TSK rol kay kerdî. Hewna no artêşo taybet de sey Sedat Peker, endamê CIAyî Rabîa Kadîr, Wezîrê Ewleyîya Netewî û Pawitişî Nurullah Çetîn, Wezîrê Karanê Zereyî Suleyman ca gênê.

Goreyê xebera Lekolin.orgî mabenê sazîyê Emerîqa demê nuştiş û ardişî de destê înan belgeyêk vîyarto. Goreyê na belge zî artêşêko taybet ronîyayo. No artêş zî sereke Îdlîb û peynî zî Cereblus, Bab, Azez, Mînbîç û Efrîn de operasyonê îşxalî de ca girewto. Taybetî no artêş têkilîya xo dormeraya faşist û dînperestan de ronayo.

Nurullah Çetîn kam o?

Anwar Yusuf Turan serra 2019î de pêroyinnameyêk weşan keno, goreyê no pêroyinname zî Muhammed Nurallah Çetîn wezîfê Wezîrê Pawitişê Tirkanê Uygurî û Serekê Erkanê Pêroyî ra yeno tayînkerdiş, xebera tayînê Nurullah Çetînî zî sifte Suleyman Soylu, Wekîlê Serekê Pêroyina AKPî Numan Kurtulmuş, Fatîn Erbakan, Serekê Daîreya Îstîhbaratî ya Karanê Zereyî Ugur û Artêşê Azerbaycanî de wezîfedar Mehmet Sîyavuşî ra yeno dayiş.

Goreyê belgeye Wezîrê Pawitişê Tirkanê Uygurî û Serekê Erkanê Pêroyî Muhammet Nurullah Çetîn serra 1973î de Enqere de ameyo Dinya, verin Komara Çeçen Eçkarya ra girêda Konsolosîya Tirkîya de wezîfe kerdo. Deme şerê Rus û Çeçenî û Çîn de cenîyê ke merdeyê xo vînî kerdî yê bi waedan xapinayo. Pasaportê Çetînî de seba ke vîzeya Şengenî esto, no ser bi rehetî Ewropa ra şîno û yeno.

Demêko derg Şaredarîya Bajarê Girde ya Enqereyî ra girêda Şîrketê Metropolî de xebat kerdo, demê xebate zî nêrayîrtîya çek,senet û reklamkarî kerdo. Karê delevereyî ser o heqê ci de çend ray dozê ameyî akerdiş, cipersayişan ra vîyarto.

Heme sazîyê Dewleta Tirkî de têkilîya bi hera

No kes Tirkîya de keso ke karê delevere û çek-senetî kerdo û heqê ci de çiqas dozê ameyî akerdiş zî, têkilîya no merdimi bi Wezîrê Karanê Zereyî Suleyman Soylu, Numan Kurtulmuş, qirkerdoxê operasyonê ‘Hênîyê Aştîye’ Nebî, serekê îstîhbaratî, rayedarê MÎTî bi nameyê Reîs, Mudirê Qelemê Taybetî yê Serekwezîrîye, Serekê Partîya Newe ra Refahî Fatîh Erbakan, Serekê Partîya Demokrate Gultekîn Uysal, wekîlanê AKP û MHPÎ, serekê şaredarîye, rayedarê BBPî, Mansur Yavaş û fermandarê artêşî, serekê MÎT, TSK û emnîyetî esto.

Rayberê mafyayî Sedat Peker

Nurullah Çetînî ra girêda komê mafyayî, rayberê mafyayî Sedat Peker reyde têkilî ronayî. Endamê mafyayî Cereblus, Bab, Azez, Mînbîç û Efrîn de zaf komê çeteyî de têkilî ronayî, hewna çeteyî ke Artêşê Netewa Tirkistanê Rojhelatî ra cîya bîyê, beşdarê qewetê lejkerî yê M. N. Çetînî ra bîyê. Keso ke biwazo Wezîrê Karanê Zereyî Suleyman Soyluyî de pêvînayiş biko, sifte ganî fotokopîya nasnameyê xo bierşawo û peynîya cigêrayişî encax eşkeno pêvînayiş biko la no keso deleverekar bi rehetî eşkeno Suleyman Soylu reyde têkilî rono. Hetta tena Soylu reyde nê, Tirkîya de heme wezîr, wekîl, fermandarê artêşî û reydarê îstîhbaratî de eşkeno bi rehetî têkilî rono.

MERKEZÊ XEBERAN

Bingeyê Artêşê Netewa Surîye mafyayî yo

Çeteyî ke raya pêroyine de sey ‘Artêşê Netewa Surîye’ yenî zanayiş, goreyê belgeye de no artêş, kesî ke demo vîyarte de vera Rusya şer kerdî û peynî bîyê mafyayê Çeçenî, endamê DAIŞ, EL Nusrayî, endamê mafyayî, endamê faşîstî yê MHP-BBPî ra ameyo awankerdiş û raya pêroyine ra zî sey ‘Artêşê Netewa Surîye’ yeno nîşandayiş.

No rêxistinê çeteyî, bi koordîneyê MÎT, îstîhbaratê emnîyet û TSKî xebat keno la esas koordinatorê no rêxistinê çeteyî Suleyman Soylu yo. Têkilîya Suleyman Soylu û Sedat Peker esta û Sedat Pekerî ra girêda endamê mafyayî Girê Spî de xebata îşxalî de ca girewtê. Demo ke Dewleta Tirkîye hêrişê Rojawanî kerd, M. Nurullah Çetînî ra girêda bi temamî Çeçenî ra awan bîyo, çeteyê mafyayî operasyonê îşxalî de ca girewtê û bingeyê OSOyî zî endamê nê mafyayî yê.