Mehsûn hem sey şarê xo Mehsûn bi, hem zî sey Mehsûn Korkmaz egîd bi. Her kesî Mehsûn wexto ke Tahîr Elçî hetê polîsê tirkî de ame kiştiş şinasna.
Ayê nêzanenê kamo tayînan heqeret kerd, tayînan ferq kerd kam o sey egîd dî.
Mehsûn teber de hina ame şinasnayîş la Mehsûn kam o?
Mehsûn rayîrê her di kalikanê xo de şi.
Yew kalikê ey wextê Şêx Seîd de hetê çeteyê dewlete tirkî de ame kiştiş. Nameyê ey Mehmet bi. Mîyanê şarê de sey Mehê Evdî amenê şinasnayîş.
Mehê Evdî fedayîyê Şêx Seîd bi. Şerê bajarê Amedî de ca girewtibi. Dima ra tepîya agêrabi Gelîyê Şernanî. Dewa Xizginosî û Rîzî.
Dewlete Tirkî kewt Mehê Evdî dima. Tayê çeteyê peyda kerdî. Nê çeteyê Dewe Darahênî Elî Mîran û Vartûg ra bî. Nameyê înan Elê Husê, Evdê Mele û Hesen bî.
Dewlete Tîrkî hayî girewti bî Mehê Evdî û Ehmê Evdî, Arîyê Rîzî de xele tehnanê, hîrê çete şirawitî ser Mehê Evdî û Ehmê Evdî.
Çete şinê Arîyê Rîz de Mehê Evdî kişenê serê eyê tera kenî û benî danî dewlete tirkî.
Kalikê Şehîd Mehsûn ayê bîn Elê Şemê zî 1994 de hetê eskerê dewleta tirkî de ame şehîd kerdiş.
Keyeyê Mehsûnî yane Mehsûn Gurkanê wextê Şêx Seîd ra heta nika hedefe dewlete tirkî de bî.
1994 de dewe înan hetê dewlete tirkî de amî bî veşnayîş.
Keyeyê Mehsûn ser veşnayîşê dewe xo koçe Amedê kerdi bî.
Înan heme xem heme dej heme feqîrî dîbî.
Mehsûn hina bi pîl.
Mehsûn hembere neyaran sey kardîya tuj bî.
Mehsûn hembere neyaran sey Koyê Çewtla û Qilê Şemê ser berz bi.
Mehsûn bê ters bi.
Kalikê Mehsûnî Mehê Evdî fedayîyê Şêx Seîd bi.
Kalikê Mehsûnî ayê bîn Elê Şemê hevalê gerîla bi. Wayîrê Goma Elî(Yaxmûg) bi. Goma Elî lîsê pilingên sere koyan bi.
Mehsûn zî fedayîyê APO’yî bi.
Mîyanê Bedenê(Sûr) Amedî de bibi pîl. Kuçe bi kuçe geyrabi. Kuçe bi kuçe xoverda.
Kişte eyê de Şehît Xebat Andok, Piling, Rozerîn, Delîl,Ugur û Rojhat hevalên eyê bîn bibî.
Kift da kiftê yewbîn 106 rojî hembere tanq û top û teyaranê artêşa tirkî destan ser destanî nuştî.
Dişmen û neyarê wehş zanenê Mehsûn û hevalanê eyê çi ard sere înan.
Neyar kîndar bi.
Neyar vano qey ez pê tanqê xo Mehsûn bipelixînî ez serkewno. Neyar bi pelixnayîşê tanqê binkewtişê xo beyan kerd. Wa neyar bizano şarê kurdî hîna bi hêrs bîyo.
Wa şarê kurdî zî bizano Mehsûn û hevalanê xo Mîyanê Bedenê Amedî de Romê bêbext û qeleş bin visto.
Mehsûn hevalê eyê rayê Kurdîstanê Azad akerdo.