Cenazeyê pitika Kurd a 2 salî Mawa ku di dema şopandina polîsan a wesayîtê de jiyana xwe ji dest dabû, bi merasîmekê li Belçîkayê hate veşartin. Merasîm saet 13:00’an de li Meydana Lyce ji aliyê NAV-BEL û Tevgera Jinên Kurd a Belçîkayê (YJK-B) ve hate lidarxistin. Kurdistanî û Belçîkayî beşdarî merasîmê bûn û merasîm bi meşê dest pê kir. Girseya gel cilên spî li xwe kirin û kuştina pitika 2 salî bi destê polîsan, protesto kir. Meş heta bi Goristana Chaerberckê dewam kir. Li goristanê cenazeyê pitika 2 salî Mawa bi duayan hat veşartin. BRUKSEL