Komîteya Îdarekarîya Mekteban ya bajarê Hesekê, seba ke mektebanê herême de bêrî vilakerdiş û lazimîya mekteban ya germîye bêro peydakerdiş, beşa yewine ya mazotê Îdarekarîya Mektebê ke herêma Şedadî de yî rê erşawit. Heyetê Perwerde û Musnayîşî yê Kantonê Cizîrî verê cû zî mektebanê herêma Şedadî rê sobayî vila kerdbî.
Komîte 24 hezar lître mazot herîna û no mazot do 60 mekteban rê bêro vilakerdiş.
Babete ser o Hemserekê Komîteya Îdarekarîya Dibistanan a Şedadî Ehmed El-Xidirî qisey kerd.
Xebate dest pêkerde
El-Xidirî derheqê babete de va ‘Mazoto ke seba vilakerdişî ameyo herînayîş, beşa ci yê yewine nika 60 mekteban rê yeno vilakerdiş’ û qiseykerdişê xo wina domna: “Her mekteb rê 56 lître mazot yeno vilakerdiş. Heta nika seba ke tayê mekteban de varîlî çinêbî û no zî vernîya vilakerdişî de bî asteng. Xebata vilakerdişî ameya destpêkerdiş.”
Ehmed El-Xidirî sipasîya xo seba Komîteya Îdarekarîya Mekteban a bajarê Hesekê û Heyetê Perwerdeyî yê Kantonê Cizîrî kerd.
Mamoste Emşe Husên El-Ewade zî sipasîya xo seba xebatê Komîteya Îdarekarîya Mektebê Hesekê ke lazimîya mazotî pê ard, kerde.