Rewşa mehkûmê nêweşî ser serekê TUYD-DERa Wanî Ahmet Aygun qise kerd.
MA RAPOR HADRE KERD
Aygun vat ke hukûmata AKP di mehkûmê nêweşan ra bi huqûqê dijmenî nêz bena û wina vat: “Heme dorûver nêzdîbîyîşê AKP zanena. Degîrmencî zîndanake ameya sirgûnkerdiş, qet nê zîndanana îmkana dermanbîyîşê ey çin o. Şerto ke bi lezî Degîrmencî nêweşxaneyake heremê ra bêro sewqkerdiş.”
SEWQÊ ORDU KERDÎ
Aygun destnîşan kerd ke ê zatî seba sewqbîyîşê Degîrmencîyê ser yew rapor hadrekerdbî û ê waştê no raporê zîndana Qefelnayaya Tîpa M a Samsunî biresnî û no ser zî zîndanî gêray la belê banderbîyîkê Degîrmencî sewqê Orduyê kerdî.
NÊZDÎBÎYÎŞÊ AKP
Aygun bal ont di zîndana Orduyê de nêbîyîşê serwîsê onkolojîyê û wina dewam kerd: “No ser zî îmkanê ya çino ke Degîrmencî do Orduyê de bêro dermankerdiş.”
BI HUQÛQÊ NEYARÎ
Aygun wina dewam kerd: “Ma seba sewqbîyîşî nêweşxaneya heremê ya Degîrmencî ser serpirobidê. Do ma şopnakarê rewşa Degîrmencîyê bibê. Zatî ewnîyayişê AKP a Kobanê çiyo se mehkûmê nêweşî ra ewnîyayişî ya a yo. Çimkî AKP bi huqûqa neyarî nêzdîyê mehkûmê nêweşî bena.”
BI KELEPÇE MUAYENE
Hewna rewşa pîyê xo ser Şîlan Degîrmencî aşkera kerd ke di mîyanê yew serrê de bi desan pîyê a ameya sirgûn kerdiş û
Degîrmencî wina vat: “Sirgûnbîyîşê pîyê min ra yew hewte pey, ma pîyê xo rey bi telefonî qise kerd. Ma banderbîyîşê pîyê min, di Samsunî ra Orduyê seba ke bi kelepçeyî muayenî qebul nêkerda, no ser ameya sirgûnkerdiş. Nika ra pey ma qet destûr nêdî AKP no tarz hamleyan ser mehkûmê nêweşî bikero. Çimkî AKP wazena heyfî mehkûmê nêweş ra biga.”
WAN