Wexto ke şiwermende Erdoxan  Yalçin Akdoxan, ardimkarê îyê Bûlend-Bilind- Arinc û ardîmkarê Serokê Gruba Partî îye Mahîr Ûnal qise kenî yew têvereştiş yeno vîre mi.

Wexto ke ma he qijkek-tut, doman, gedê- bibi hina bi her wext ser her çîyê yew têvereştişe ma hadre –amede- bi.
 Ma yarîyê-henêk- xo yewî ra bikerdenê ma no têvereştiş vatenê.
Ma destpêkerdenê û hina dewam kerdenê.
“Meho Meho
Çeltê neho.
Tewrêyê fiso
Her bar visto.
Şilavîn sisto”.
Eynî no têvereştiş seyîna kar û xebatê cemaeta Fetullahîyan û AKP zî hinayo.
Bi serra newiyê ra zafer zurî kenî.
AKP û Fetullahî serra 2012 de hemverê PKK bin kewtî.
Sey “Meho yê çeltê neho” yî herî înan bar visto.
La reyna-honca- vanî ma ser kewtî.
Par  eskerê inan, ver gerîlayê HPG nêeşkenê cayê xo de bileqo.
Ca ca helîkopterê înan zî nêeşkenê biperîyenê.
Şemzînan, Elkê, Çelê, Colemerg hina bi.
Serê reya Kanîreş û Çewlîg çi ame serê polîs û eskere Tirk herkes zaneno.
Qerekola Angul de di hew çi ame bi serê eskere Tirkan herkes zaneno.
Zerê Dersîm de çi ame bi serê esker û polisên Tirkan herkes zaneno.
Çend  fermandarê înan wexto ke Kurdîstan de ameyê wazîfedarkerdiş ver tersê xo seyî fek gurîyo xo veradaye herkes zaneno.
La honca –reyna-Yalçin Akdoxan înan zurî kenî, zurî kenî.
Şerê psîkolojîk zî kenî.
Operasyonê qirkerdişê sîyasî û eskerî çika şina zedê kenî.
La vanî ma Abdullah Ocalan ra pêdîyayîş-yewbîdîyayîş- kenî.
Bi no qisekerdiş vazenî hevî miyanê şarê Kurd de bivirazenê.
Bin de zî karê xo lîşin zafer biramenê.
Bena yew kemaqilek bixapînenê.
La nîeşkenî şarê Kurd e berxwedêr bixapînenê.
Serra 2012 seyî biya serra serkewtina şarê Kurd, ê serra 2013 zî bena serra serkewtina Şarê Kurd.
Kam bawer keno wa bikero, kam bawer nîkeno wa xo bixapîno.
La ma raştî vanî.
AKP sey “çeltê neho û tewreyê fisona” e emser zî bi vejîyo werti.
Kam bawer keno wa bikero.
 Kam bawer nîkeno wa bawer nîkero.
La ma reyna raştî vanî.
Sey Rençber Ezîz vatibi.
Ma zî vanî.
“Şima vînenî seyîna”.